शिवरात्री

शिवरात्री छ विख्यात प्रणम्य पर्व पावन ।
सुरम्य चाड यो मानी गरौं अनन्य चिन्तन
।।१।।

शम्भुको गुण गाएमा बन्छन् अतुल्य जीवन । शैलजाशम्भुको भक्ति गरौं भाव भरीकन
।। २।।

प्रणवले गरौं ध्यान भोलाजीमा दिई मन ।
प्रज्ञा प्रबुद्ध पारेर गरौं उमेश पूजन
।।३।।

महादेव महात्मा हुन् यो जगत्मा सनातन । वेदपुराणले मान्छन् महेश्वर पुरातन
।।४।।

योगेश्वर जटाधारी महेश हुन् त्रिलोचन । कैलासपतिका भक्त नन्दी हुन प्रिय वाहन
।।५।।

गलामा सर्पको माला लगाउँछन् सबै दिन
अर्धचन्द्र र गड्.गाजी शिर पार्छन् सुशोभन
।। ६।।

श्मशानमा बसी रम्छन् ध्यान हो शिवसाधन । शिवजीको गरी मान बनौं मानव सज्जन
।।७।।

हिन्दूधर्मावल्मीका शिव हुन् देवता प्रिय ।
कर्ता भर्ता भई गर्छन् शिव सम्पूर्णको जय
।। ८।।

शिवजीको कृपा पाए हुन्छन् मानिस निर्भय शम्भुको वन्दना गर्दै हामी राखौ सदाशय
।। ९।।

त्रिशुल शिवको हुन्छ धरा पार्ने निरामय ।
गाँजा र धतुरो खान्छन् शिव हुन् अति निर्भय
।। १०।।

आशीर्वाद दिनू शम्भु तथा उत्कृष्ट चेतना ।
यो महापर्वमा दिन्छु सबैमा शुभकामना
।।११।।

कविः भगवती बस्नेत
बल्खु, काठमाडौं