न्यू जर्सिका नयाँ प्रहरी प्रमुखले बाइबलको साटो कुरान समातेर कार्यसम्पादनमा तठस्तताको शपथ खाए, अमेरिकामा यो प्रथम घटना हो जहाँ मुसलमान समुदायका आप्रवासीले शहरको प्रहरी प्रमुखजस्तो नेतृत्वदायि भूमिका पाएका छन् । ३० वर्षभन्दा बढि समयदेखि न्यू जर्सीको प्रहरीमा कार्यरत माइक बायकोरा नवजात शिशु हुँदा नै बुवाआमासंग टर्कीबाट अमेरिका आएका हुन् । उनी अमेरिकाको इतिहासमा नै प्रथम प्रहरी प्रमुख हुन जो मुसलमान हुन् । प्याटेरसन सरकार, अमेरिकामा बस्ने टर्कीश समुदाय लगायत अन्य थुप्रैको सहभागीतामा बायकोराको शपथ कार्यक्रममा प्याटेसनका मेयर आन्द्रे सायेगले आफ्नो भाषणमा अरबी शव्द प्रयोग गरेर सबैलाई हेल्लो भनेका थिए ।

६० वर्षिय बोयकोराले पनि आफू अमेरिकी हुनुमा गर्व अनि टर्कीश पुरातत्व र सम्पदाहरुको सम्म तारिफ गरे । बोयकोराका अनुसार आफू ३२ वर्षदेखि प्याटेरसनको सुरक्षाका लागि अटिएको र उन्को रगतमा प्याटेरसनको माया सदैव रहिआएको छ । विगतका दिनहरुमा अमेरिकामा मुसलमान समुदायको सहभागीता र समावेशीता बढ्दो छ, सन् २०१८ मा पनि ४ जना अरब अमेरिकनहरु हाउस अफ रिप्रसेन्टेटिभमा छानिएकामा २ जना मुसलमान समुदायका थिए ।

लाइभमाण्डु