मतदानमा बिजय भएको करिब २ वर्ष पनि नपुगि, विश्वकै सर्वाधिक धेरै उमेरका प्रधानमन्त्री मलेसियाका महाथिर मोहम्मदले आफ्नो पदबाट राजिनामा दिएका हुन् । सत्ता गठबन्धनबाट महाथिरको दल हटेपछि एक्कासी यो राजनैतिक उथलपुथल आएको बताइन्छ । बेरसातु पार्टीको अध्यक्ष पदबाट समेत आफ्नो राजिनामा जारी गर्दै ९४ वर्षिय प्रधानमन्त्रीले आफ्नो प्रधानमन्त्री पदबाट समेत राजिनामा गरेर राजदरबारमा आफ्नो राजिनामा पत्र पठाइसकेका छन् । ४ वटा दलको गठबन्धनबाट बनेको मलेसियन सरकारमा बरसातु दलले भनें सरकार छोडेको र महाथिरलाई नै समर्थन गर्ने बताएको छ ।

Malaysia’s 94-year-old Prime Minister Mahathir Mohamad unexpectedly resigned on Monday, leaving the country in political turmoil https://t.co/nMAowIHDaE pic.twitter.com/Oc7iRJYoTu

— Reuters (@Reuters) February 24, 2020

उता सत्तारुढ गठबन्धनको अर्को पार्टी, अनवर पार्टीका पनि ११ जना सभासद र ७ जना क्याबिनेट मन्त्रीहरुले नै राजिनामा गरेर स्वतन्त्र रहने बताएका छन् । मलेसियाका राजा सुल्तान अव्दुल्लाह सुल्तान अहमद शाहले पनि आइतवार नै महाथिर र अन्य नेताहरुलाई राजदरबारमा ल्याएर भेट गरेका छन् । अब मलेसियामा सरकारको स्वरुप कसरी कुन पार्टीलाई दिने, नदिने या संसद नै बिघठन गर्ने भन्ने निर्णय चाँही राजाको हुनेछ ।

लाइभमाण्डु