चिनको फुजियानमा कोरोनाभाइरस संक्रमणको उपचार गराइरहेका बिरामी रहेको होटल खस्यो, उद्दार जारी
चिनको फुजियान प्रान्तबाट एउटा दुखद् दूर्घट्नाको खबर आएको छ । कोरोनाभाइरस संक्रमणको उपचार गराइरहेका ७० जना संक्रमितहरु रहेको होटल खसेको छ । आज साँझ पौने ८ बजे आसपास सिनजिया नामको त्यस होटल खसेको हो ।
चिनको आधिकारिक मेडियाहरुमा कुआनजो शहरस्थित सिनजिया नामको त्यस होटल शनिबार खस्न पुग्यो र त्यस घटनामा परेर भग्नावशेषमा कम्ती ७० जना रहेको हुनसक्ने बताएको छ । प्राप्त जानकारी अनुसार ८० कोठे त्यस होटलमा कोरोनाभाइरस पीडित बिरामीहरुको उपचार भइरहेको थियो । घटनाको तत्काल नै ब्यापक स्तरमा उद्दार अपरेशन शुरु भएको छ । उद्दारबाट अहिलेसम्म २३ जनालाई भग्नावशेषबाट बाहिर निकालिसकिएको छ भने अझै धेरै मान्छे भग्नावशेषमा फसेको हुनसक्ने जानकारी प्राप्त भएको छ ।
Suddenly; a hotel in Nanhuan Road, Licheng District, Quanzhou collapsed! It is said to be a hotel in the quarantine point. Some personnel were buried at the scene. Rescuers have rushed to the scene to search and rescue. Xiamen fire emergency dispatch reinforcements! pic.twitter.com/ksRgaxlvVg
— Harry Chen PhD (@PhdParody) March 7, 2020
भग्नावशेष हटाउने र त्यसबाट दूर्घटनामा परेका मानिसहरुलाई सकुशल बाहिर निकाल्ने कार्यहरु तिब्र गतिमा भइरहेका छन् । ट्वीटरमा सार्वजनिक ताजा भिडियोमा बैजनी रङ्गका कपडा लगाएका उद्दारकर्मीहरु भग्नावशेषमाथी चढिरहेको देख्न सकिन्छ ।
८० कोठा रहेको त्यस होटल सन् २०१८ को जुनदेखि सञ्चालनमा आएको थियो र हाल त्यसलाई कोरोनाभाइरसको संक्रमणमा रहेका चिनिया नागरिकहरुलाई उपचारका लागि प्रयोगमा ल्याइएको थियो ।
फुजियान प्रान्त सरकारद्वारा शुक्रवार जारी गरिएको तथ्यांक अनुसार त्यहाँ कोरोनाको कूल २९६ बिरामी थिए भने दश हज्जार संदिग्ध बिरामीहरुलाई उच्च स्वास्थ्य सतर्कताभित्र राखिएको थियो ।
