नारी एक रुप अनेक
आकाश पनि तिमी नै हौ
धर्ति पनि तिमी
वीर सपूत जन्माउने
विराङ्गना नारी तिमी
सरस्वती तिम्रै रुप
घरकी लक्ष्मी पनि तिमी
दानवलाई परास्त गर्नै
दुर्गा काली सवै देवी तिमी
ममताले भरिपुर्ण
मायाकी खानी आमा तिमी
संसार उज्यालो पार्ने छोरी पनि तिमी
मोनालिसा तिमी नै हौ
नाईटिंगेल पनि तिमी
सावित्री र सिता अनि भृकुटी पनि तिमी
सदैव साथ गुड्ने रथको पांग्रा तिमी
अनेक रुप भएकी सर्वगुणी नारी एक तिमी।।
