जेम्स वण्ड सिरिजका अहिलेका नायक डेनियल क्रायगको आँउदो चलचित्र नो टाइम टु डाई देखि वलिवुडका अक्षय कुमारका सूर्यवंशी जस्ता चलचित्रहरुको प्रर्दशन स्थगित भएका छन् । कोरोनाको प्रभाव चर्च, मन्दिर, मस्जिद, गुरुद्धारा देखि चलचित्र हलसम्म पर्दै गएको छ । विश्वमा आवागमन न्यून भएको छ भनें अर्कोतर्फ शहरहरु सूनसान भएका छन् ।

चलचित्र महोत्सव देखि सांगितिक कन्सर्टहरु सम्म रोकिएका छन्, उत्सव देखि स्वास्थ क्याम्पहरु सम्म स्थगन गरिएको छ, आँउदो केन्स चलचित्र महोत्सव पनि अब यसवर्ष रोकिन सक्ने बताइएको छ यद्धपि हामीले केन्सको आधिकारिक बेवसाइटमा स्थगन सम्बन्धी केहि भनिएको त छैन तर केन्सको महोत्सव अर्को मिति नतोकिएसम्म रोकिने निश्चितप्राय बताइएको छ ।

हलिहुडका सुपरस्टार टम ह्याकंस र उन्की धर्मपत्नी रिता विल्सन विश्व रंगमञ्चमा सर्वाधिक चर्चित कोरोना संक्रमणमा पर्ने कलाकारको सूचीमा परेका छन्, उनीहरु आइसोलेसनमा छन् । क्यानडाका प्रधनमन्त्रीकी धर्मपत्नी आइसोलेसनमा छिन् भनें विश्वभरिका लगभग सबै देशहरु कोरोनाको भयमा छन् ।

नेटफ्लीक्स र डिज्नेले आफ्ना पूर्वनिर्धारित कार्यक्रमहरु रोकिएको बताएका छन्, फास्ट एउण्ड फ्यूरियस को नवौं संस्करणको चलचित्र प्रर्दशन मिति रोकिएको छ भनें एलेन, स्ट्रेन्जर थिगंस र मर्नीगं शो जस्ता टिभी सिरिजहरुको छायांकन प्रभावित भएकाले सूचारु हुन नसक्ने बताइएको छ ।

भारतका अधिकांश चलचित्रघरहरु बन्द छन्, यद्धपि नेपालमा भनें रंगमञ्च र कोरोना संक्रमणको प्रभाव उति ध्यानमा राखिएको छैन, नेपाली रंगमञ्च पनि यस संक्रमणको बहुआयामिक जोखिमबाट सतर्क रहनु जरुरी छ ।

जनक दिप पराजुली
महासचिव
नेपाल चलचित्र निर्देशक समाज