Lifestyle Portal
  •   ३० श्रावण २०७९, सोमबार

गर्भावस्था र कोरोना: डा. आमिर खान

७ चैत्र २०७६, शुक्रबार १०:४१

गर्भावस्थामा त केहि अफ्ठेरो नपरेपनि चनाखो भएर बस्नुपर्ने र आफ्नो विशेष ख्याल राख्नुपर्ने हुन्छ । खानपानमा पनि धेरै ख्याल राख्नुपर्ने हुन्छ भने रहनसहन र आवहवामा अझ सतर्क रहनुपर्दछ, परिवर्तित परिपेक्ष्यमा कोरोना संक्रमण र गर्भावस्थाका बिभिन्न जिज्ञासा र चासोहरु सम्वोधन गर्न आज हामी बिभिन्न अध्ययन र शोधहरु साभार गर्दै गर्भवती आमाको सुरक्षा सचेतना र कोरोना बिरुद्ध स्वास्थ्य सजगताका लागि यो सामाग्री बेलायतका एनएचएस डा. आमिरले अलजजिरामा लेख्नुभएको अनुवादित लेख हो ।

Dr. Amir Khan
NHS, UK

विश्वभरिका सबै कोरोना संक्रमण भेटिएका देशहरुमा बेलायत गर्भावस्थाका महिलाहरुका लागि कोरोना संक्रमण विषयमा बढि संवेदनशील भएको पाइयो, त्यहाँ गर्भावस्थाका महिलाहरुलाई अझ विशेष तवरले आइशोलेशनमा बस्न र भीडभाडमा जाँदै नजान उर्दी जारी गरिएको छ । विश्वभरका सबै गर्भवती महिलाहरु र तिनका परिवारहरु कोरोनाको भयमा त्रसित छन् ।


गर्भावस्थामा शरीरभित्र अर्को शरीरको बिकास भइरहेको हुन्छ, यस्तो अवस्थामा महिलाहरुको रोगप्रतिरोधात्मक क्षमतामा केहि तलमाथि हुनसक्दछ यद्धपी यसैको कारणले महिलाहरुमा कोरोनाको संक्रमण जोखिम बढि हुन्छ भनिहाल्ने अवस्था चाँही हुन्न । महिलाहरुले गर्भावस्थामा चिकित्सकसंग भेट्ने र अस्पतालमा जाँच गराउने प्रक्रियाचाँही रोक्न नहुने बिभिन्न अध्ययनहरुले देखाएको छ, पूर्वप्रसुति चेकजाँचका लागि अस्पताल चाँही जार्नैपर्ने र चिकित्सकसंग भेट्नैपर्ने भनिएको छ । यदि कोरोनाको झै सुख्खा खोकी, ज्वरो लगायतका लक्षण देखिएमा भने आफूलाई आइशोलेशनमा राख्दै चिकित्सकसंग सल्लाह लिन बताइएको छ ।

गर्भावस्थामा मधुमेहको लक्षण बिकास भएका महिलाहरुले चाँही आइशेलेशनमा बिशेष ध्यान दिन सुझाव दिइएको छ । यदि यस गेस्टेशनल डाएबेटिज कम नभएमा गर्भवती महिलाहरुको रोगप्रतिरोधात्मक क्षमता कम हुने बताइन्छ, कोरोना लगायत अन्य संक्रमणहरुको जोखिम यस अवस्थामा केहि बढि हुन सक्दछ ।

धेरैजना गर्भवती महिलाहरु आफ्ना अन्य बच्चा र परिवारसंग बस्ने हुँदा सामाजिक आइशेलेशन उति ब्यवहारीक नहोला यद्धपि आइशेलेशन जरुरी भएको चिकित्सकहरुले बताएका छन् । मल्टीभिटामिन ट्यावलेट का साथै आइरन र फोलीक एसिड भएका खानेकुराहरु बढि सेवन गर्न यचित बताइएको छ ।

धेरैवटा संक्रमण आमाबाट सन्तानमा सर्दछन् यद्धपी कोरोनाको सञ्चार आमावाट जन्मने सन्तानका विषयमा के हुन्छ भन्ने यकिन तथ्याकं छैन । ल्यान्सेट नामक विश्वप्रसिद्ध पत्रिकामा प्रकशित एउटा जर्नलका अनुसार चीनको हुवानमा गर्भावस्थामा कोरोना संक्रमण भएका आमाहरुका बच्चाहरुमा संक्रमण नपाइएको बताइन्छ ।

बच्चाहरुलाई आमाको शरीरभित्र ढाकेर राख्ने एमनीओटीक फ्यूडमा कोरोनाको संक्रमण नपाइएको कारणले पनि यस्तो भएको हुनसक्ने ल्यान्सेटले जनाएको छ । उता स्तनपानबाट आमाबाट बच्चामा यो संक्रमण सर्छ वा सर्दैन भन्ने जिज्ञासाहरु पनि उतकै छन् यद्धपी यस वियामा पनि पर्याप्त अध्ययन र ठोस निश्कर्ष भएको पाइन्न । तथापी आमाहरुले आफ्नो बच्चाहरुलाई स्तनपान गराँउदा राम्ररी आफ्नो हात साबुनपानीले धोएर मात्र गराउन सुझाव दिइएको छ ।

आमालाई कोरोनाका झै लक्षण देखिएमा ब्रेस्ट पम्पको सहयोगले निकालिएको दुध अन्य स्वस्थ्य व्यक्तिको सहयोगमा बच्चालाई खुवाउन सुझाव दिईएको छ ।


डाक्टर अमिर खान

सिनियर यूनिभर्सिटि लेक्चरर, बेलायत
एनएचएस डाक्टर

प्रतिक्रिया दिनुहोस !
सम्बन्धित खबरहरु

भारत सरकारको अनुदान सहयोगमा तनहुँ जिल्लाको घिरिङ गाँउपालिकामा अवस्थित श्री दिपक माध्यमिक विद्यालयको नवनिर्मित भवनको उद्घाटन भएको छ । भारतीय

भारत सरकारको अनुदान सहयोगमा सिन्धुली जिल्लाको कमलामाई नगरपालिका–६ मा अवस्थित सिन्धुली सामुदायिक टेक्निकल इन्स्टिच्यूटको नवनिर्मित शैक्षिक भवनको उद्घाटन सम्पन्न भएको

विपद् न्युनीकरण प्रयासमा नेपाललाई निरन्तर सहयोग गर्ने हाम्रो प्रतिबद्धता अनुरुप नेपालका लागि भारतीय राजदूत नवीन श्रीवास्तवले गृह मन्त्रालय, सिंहदरबारमा आयोजित

भारत सरकारको अनुदान सहयोगमा डोटी जिल्लाको जोरायल गाउँपालिका–४ कुण्डीकोटमा अवस्थित श्री घण्टेश्वर माध्यमिक विद्यालयका लागि निर्मित विद्यालय भवन तथा छात्रावास