Lifestyle Portal
  •   १३ माघ २०७८, बिहीबार

प्रा.शर्मालाई ‘घटराज पुरस्कार’ समर्पण

१५ मंसिर २०७५, शनिबार १८:०९

सुप्रसिद्ध समाजसेवी, राजनीतिज्ञ, चित्रकार र साहित्यकार सुश्री भद्रकुमारी घलेले नेपाली भाषासाहित्यको श्रीवृद्धिका लागि अनवरत समर्पित रहँदै भाषा, आख्यान, समालोचना, निबन्ध र नाटक लेखनका क्षेत्रमा विशिष्ट योगदान गरी देशदेशान्तरमा नेपाली साहित्यको प्रतिष्ठा बढाउन महत्वपूर्ण योगदानका निम्ति प्रा.मोहनराज शर्मालाई ‘घटराज पुरस्कार’ समर्पण गर्नुभयो ।

यस पुरस्कारको राशि पचास हजार रूपियाँ रहेको छ ।

घटराज भट्टराई स्मारक कोशका अध्यक्ष श्रीमती इन्दिरा प्रसाईको सभापतित्वमा सञ्चालित सो समारोहमा सदस्यसचिव साधना दाहाल, प्रा.प्रयागराज वाशिष्ट, डा.राजेश भट्टराईले सम्बोधन गर्नुभयो ।

समारोहमा भगवती वस्नेतले घटराज भट्टराईका सम्मानमा कविता वाचन गर्नुभयो ।

अमर प्राज्ञ घटराज भट्टराईका स्मृतिमा हालसम्म शिव रेग्मी, कविता पौडेल, प्रा.डा.केशवप्रसाद उपाध्याय, प्रा.डा.गार्गी शर्मा, तेजेश्वरबाबु ग्वाङ्ग तथा प्रा.मोहनराज शर्मालाई ‘घटराज पुरस्कार’ समर्पण गरिसकिएको छ ।

शम्भु निरौला ‘दुर्गम’ले समारोहको काव्यमय सञ्चालन गर्नुभएको थियो ।

प्रतिक्रिया दिनुहोस !
Loading comments...
सम्बन्धित खबरहरु

थिएन भनौ भने मास्टर पास भएको कागजको खोस्टो थियो तर त्यो कागजको कदर थिएन त्यहाँ लखर लखर एउटा अफिसबाट अर्को

गोकुलले मतिर हेर्दै भने ‘जे कुरा देखेर आयो अन्त कतै, त्यो आफ्नो घरमा पनि हुनु पर्ने। नयाँ कुनै कुरा देख्यो,

…अनि पात्र ‘क’ मरूञ्जेल हाँस्न थाल्यो । हाँस्ता हाँस्तै उ रून थाल्यो । रूँदारूँदै उ चिच्याउन थाल्यो । खुइलिएर केहीमात्र

सुधा रिसालको लेखन र संजीप कडेलको चित्राङ्कन रहेको “पानी पानी” शिर्षकको चित्रकथा प्रकाशित भएको छ। “पानी पानी”दुई मुसा दाजुबहिनीको कथा