मार्च १७ पछि फ्रान्समा भएको लकडाउनको प्रभावले मान्छेहरु घरभित्रै छन् तर यसैक्रममा त्यहाँ घरायसी हिंसा ३० प्रतिशतले बढेको त्यहाँका आन्तरिक मन्त्रीले बताएका छन् । मन्त्री क्रिस्टोफी क्याटेनरका अनुसार घरेलु हिंसाका घटनाहरु पेरिसमा मात्र ३६ प्रतिशतले बढेको छ । हिंसात्मक प्रवृति भएको पार्टनरसंग घरमा निरन्तर बसिरहनु पर्दा यस्ता घटनाहरु भएको राज्यको ठम्याई छ । यूरोपमा सर्वाधिक धेरै घरेलु हिंसा हुने देश फ्रान्स हो, त्यहाँ हरेक वर्ष करिब २१९,००० जना १७ देखि ७५ वर्ष उमेर समुहका महिलाहरु आफ्ना पार्टनरवाट हिंसा पर्ने तथ्याकं छ ।

यस्ता हिंसाहरुलाई क मगर्न र पीडीतलाई तत्काल उद्धार गर्न र न्याय दिलाउन राज्य लागिपरेको मन्त्रीको भनाई छ, यस्ता हिंसा पिडितहरु नजिकैको ओखती पसलमा गएर कल गरेमा तत्कालै कारवाही गर्ने र उद्धार गर्ने प्रावधान फ्रान्सको सरकारले गर्दै छ ।
स्पेनमा पनि यस्त हिंसाका घटनाहरु रिपोर्ट गर्न कोड प्रणाली लागु गरिएको छ । अहिले भने फ्रान्समा यस्ता हिंसा पिडितले ३९१९ नंबरको हटलाइनमा फोन गरेर सहयोग माग्न सक्दछन् ।

लाइभमाण्डु