हतोत्साह : कविता

हतोत्साह !!

अनायासमै उद्वेलित म हुँन पुगेँ आज
फर्कि हेरेँ देशलाई नजरबन्दका माझ
हिमालको काखको त्यो सानो भूमि हाम्रो
आफू मात्र नभई सारा विश्वलाईनै राम्रो

खाद्यान्नमा आत्मनिर्भर जुत्ता, जुट, धागो
रोजगारीका अवसरमा लाग्नै रैछ आगो
परिवर्तनको खोल ओडी सैँतालिस पो आयो
उद्योग धन्दा कल कारखाना सबै बेची खायो

“अग्रगामी”ले बाउन्नमा परिकल्पना अर्को सारे
सपना देखाई राम राज्यको कैयन कैयन मारे
पश्चिमाका रहन सहनलाई भनी सधैँ बिकृति
उनैका पछि लागेर मासे आफ्ना धर्म संस्कृति

एकथरी चाहिँ नाम नआउँदा ढुक्क बस्या होलान्
यथार्थ तिनका तिनैलाई थहा छ भविष्यमा रोलान्
सुट बुट चट्ट लाएका, बिदेशी पर्फ्युम गनाउँने
अर्काको ईउरो खाएर तिनकै निती नियम बनाउँने

त्रिसट्ठीका सपना त झन अभिश्राप पो रैछन्
नेपाल भनौँदि आमा हाम्री भूमि मात्र भइछन्
बिरोधाभासको प्रवृत्ति यहाँ हर पाइलामा पाइयो
देउता बेच्नेहरूलाई धन “श्याम वर्ण”कै चाहियो

अनायासमै उद्वेलित म हुँन पुगेँ आज
फर्कि हेरेँ देशलाई नजरबन्दका माझ
फर्कि हेरेँ देशलाई नजरबन्दका माझ

लेखक: अज्ञात (सामाजिक सञ्जालबाट)