बिहिबार साँझ अमेरिकामा कोरोना संक्रमणले मृत्यु हुनेको संख्या १५ हजार नाघेको छ । जन हप्कीन्स विश्वविधालयको तथ्याकं हेर्दा त बिहिबार सम्म अमेरिकामा करिब ४५१,००० जनालाई संक्रमण भइसकेको र १५,९०० को मृत्यु भइसकेको जनाएको छ । उपराष्ट्रपति माइक पेन्सले यस हप्तालाई पीडादायी हप्ताका रुपमा हिजो ह्वाइट हाउसको एउटा ब्रिफिंगमा ब्याख्या गर्दै अब अमेरिकाले आशाको त्यान्द्रो कोरोना यपरको युद्धमा देख्न थालेको बताएका छन् ।

मगंलवार र बुधवार त दैनिकजसो १९०० भन्दा माथि प्रतिदिनको मृत्यु रेकर्ड अमेरिकामा देखिएको थियो । ईटालीमा १८२७९ र स्पेनमा १५२३८ जनाको मृत्यु भइसकेको छ । अमेरिकामा न्यूयोर्कमा चाँही सर्वाधिक धेरै मृत्युका केसहरु छन्, मगंलवार र बुधवारमात्र त्यहाँ प्रतिदिन ७७९ मृत्यु भएको थियो । न्यूयोर्कमा गर्भनर एन्ड्रीयू क्यूमोले पछिल्लो २४ घण्टामा त्यहाँ नयाँ संक्रमणले अस्पताल आउने केसहरु उल्लेखनीय रुपमा कम भएको जनाएका छन् ।

लाइभमाण्डु