पुनःप्रशारण गरिएको रामानन्द सागरको ‘रामायण’ले ‘गेम अफ थ्रोन्स’लाई पछि पार्यो
३३ वर्षपछि रामानन्द सागरको बहूचर्चित रामायणको पुर्नप्रसारण भएको छ । तीन दशक पछि पनि त्यस लोकप्रिय रामायणका सिरिजहरुले विश्वभरिबाट अत्याधिक दर्शक र माया पाइरहेका छन् । इसाई र इस्लाम जनसंख्या अत्याधिक भएको यस विश्वमा हिन्दु सनातन गाथा मर्यादा पुरुषोत्तम राम र रामगाथा समेटिएको रामायणका सिरिजतर्फ वर्तनमान आधूनिक संसार जो विशिष्ट भिएफएक्स, सर्वोत्कृष्ट श्रब्यदृश्य तथा वास्तविक झै लाग्ने आधूनक सम्पादनको अनेक सिनेमा तथा सिरिजहरुको भीडमा पनि ३ दशक अघिको सिमित प्रविधिले तयार पारेको रामानन्द सागरको रामायणप्रति वर्तमान पुस्ताले देखाएको चाँसो अध्ययनको विषय बन्न सक्छ ।
भारतमा प्रधानमन्त्री नरेन्द्र मोदीले लकडाउन घोषणा गरेलगत्तै भारतीय राष्ट्रिय प्रसारण दूरदर्शनले रामायणको पुनः प्रसारण शुरु गरेको थियो । गत अप्रिल १६, २०२० मा दूरर्शनले जारी गरेको विज्ञप्ती अनुसार विश्वभरबाट ७ दशमलव ७ करोड मान्छेले रामायण हेरेका जानकारी दिएको छ । दूरदर्शनको आधिकारिक ट्वीटर ह्याण्डलले यस विश्व किर्तिमानलाई उल्लेख गर्दै ट्वीट पनि गरेको थियो ।
Rebroadcast of #Ramayana on #Doordarshan smashes viewership records worldwide, the show becomes most watched entertainment show in the world with 7.7 crore viewers on 16th of April pic.twitter.com/edmfMGMDj9
— DD India (@DDIndialive) April 30, 2020
रामानन्द सागरको निर्देशनमा बनेको रामायण सर्वप्रथम सन् १९८७ मा प्रसारण भएको थियो । भगवान श्री रामको चरित्रमा अरुण गोविल, सीताको रुपमा दिपीका चिखलियाका टोपीवाला, लक्ष्मणका रुपमा सुनिल लहरी, मन्थराका रुपमा ललिता पवार, हनुमानका रुपमा दार्ह्रा सिंहलाई देखाइएको थियो ।
हिन्दी भाषामा निर्माण गरिएको रामायणप्रतिको यो दर्शक संख्याले विश्वका सर्वाधिक चर्चित टिभी सिरिज ‘गेम अफ थ्रोन्स’को रेकर्ड पनि तोडेको छ ।
—
लाइभमाण्डु
