रुसी राष्ट्रपति पुटिनका प्रवक्तालाई कोरोना पोजिटिभ

अप्रिल ३० तारिखमा डिमेट्रि पेस्कोभ रुसी राष्ट्रपति पुटिनसंगै देखिएका थिए, उनी राष्ट्रपतिका प्रवक्ता हुन् र भर्खरै उनलाई कोरोना संक्रमण पुष्टि भएसंगै पुटिनलाई पनि संक्रमण जोखिम हुनसक्ने लख काटिएको छ । रुसमा कोरोनाको विश्वभरिका देशका संक्रमण संख्याका आधारमा दोश्रो ठूलो संख्यामा केसहरु देखिएका हुन्, त्यहाँ अहिलेसम्म २३२२४३ संक्रमण केसहरुमा मगंलबारमात्र नयाँ १०८९९ केसहरु पाइसकिएको छ ।

सबैभन्दा धेरै संक्रमण केसहरु अमेरिकमा पाइएको छ, त्यहाँ १३ लाख भन्दा बढिमा संक्रमण पाइएको छ । रुसी राष्ट्रपतिका प्रवक्ता पेस्कोभ सन् २००८ देखि नै पुटिनका प्रवक्ताका रुपमा कार्यरत छन्, यिनी ५२ वर्षका भए । यिनीलाई अहिले अस्पतालमा भर्ना गरिएको बताइन्छ ।

लाइभमाण्डु