बेलायतमैं बेपत्ता नेपालका लागि पूर्व बेलायती राजदूतको खोजीकार्य जारी
९ दिन देखि बेलायतमैं बेपत्ता भएका रिरिचर्डको खोजी भनी बेलायतको ह्याम्पस्पेहर पोलीसको आधिकारिक साइटमा जानकारी प्रेषण गरिएको छ । रिचर्ड मोरिस, बेन्टले फोरनहामका वासिन्दा र सन् २०१५ बाट २०१९ सम्म बेलायतका तर्फवाट नेपालका राजदुत भएर नेपालमा कार्य गरेका थिए ।
मे ६ तारिखका दिन स्थानीय समयअनुसार १ बजेर ३० मिनट बिहान मर्नीङ वाकमा निस्केका रिचर्ड त्यससपश्चात देखा परेका छैनन । उनको अवस्था अझै अज्ञात छ । सेतो वर्णका ६ फिट अग्ला, खैरो कपाल र दारी भएका भनी उनको हुलिया प्रहरीले उल्लेख गरेको छ, साथै अनुहारमा भएको जन्मदागको बारेमा समेत पनि जारी सन्देशमा उल्लेख गरिएको छ ।
प्रहरीले स्थानीयहरुलाई आफूसँग रिचर्डका जानकारीहरु केहि भए प्रहरीलाई बताउन र आआफ्नो परिसरको सिसिटिभि फुटेजमा केहि जानकारी भेटिएमा प्रहरीलाई जानकारी दिएर सहयोग गर्न समेत अपिल गरेको छ । ५२ वर्षिय रिचर्ड पछिल्ला ९ दिनदेखि बेलायतको बेन्टले क्षेत्रबाट सम्पर्कविहिन छन् । निलो लामो बाहुला भएको टप, कालो शर्टस र निलो ट्रेनर लगाएका रिचर्डलाई खोज्न स्थानीयहरु स्वयमसेवीका रुपमा पनि खटिएका छन्, प्रहरीका अनुसार प्रहरीले ब्यवसायिक खोजिदस्ता परिचालन गरेको छ र स्थानीयहरुलाई आफ्नो घर र बाहिरका ठाँउहरु पनि नियाल्न र केहि जानकारी भए बताउन अनुरोध गरेको छ ।
आ-आफ्नो टोलछिमेकमा भएका पुराना र प्रयोग नभएका घर या स्थानमा कोहि अन्जान समूह या व्यक्ति बसिरहेको भए पनि आफूले जोखिम नउठाई खबर गरिदिनुहुन भनी ह्याम्शायर प्रहरीको साइटमा उल्लेख छ । रिचर्डको जानकारी पत्ता लगाएको खण्डमा जानकारी दिन बेग्लै हटलाईन नम्बर पनि परिचालन गरिएको बताइन्छ यद्धपी ९ दिन पछि पनि उनको विषयमा कुनै ठोस जानकारी भने आएको छैन ।
यस सम्बन्धी प्रथमपटक सार्वजनिक सामाग्री पढ्नुहोस्
