Lifestyle Portal
  •   २ भाद्र २०७९, बिहीबार

नेपालबाट नमस्ते, यो सन्देश सारा विश्वका लागि

९ जेष्ठ २०७७, शुक्रबार १९:४६

म एउटा सानो तर एतिहासिक देशको नागरीक हुँ, तपाँईलाई जस्तै मलाई पनि मेरो देशको असाध्यै माया लाग्छ, सार्वभौमिक्ताको माया लाग्दछ । सगरमाथाको चूचुरोबाट त कहिले लुम्बिनीको फाँटबाट मेरो देशले विश्वशान्ति र बिश्वबन्धुत्वको विगुल फुक्दै आएको छ, हामी नेपालीलाई सबैको माया लाग्दछ, हामी वर्ण, जात, देश, अनुहार र भाषा हेरेर माया गर्दैनौं ।

छिमेकी देश भारतलाई बधाई दिन चाहन्छु, भर्खरै उस्ले १७००० फिट माथिसम्म जाने र कैलाश पर्वत पुग्ने तिर्थयात्राका लागि सर्वाधिक छोटो बाटो बनाएको छ, भारतीयहरुले भगवान पाउन । तर त्यस भगवानसम्म जान बनाइएको बाटो मेरो देशको भूमि मिचेर बनाइएको हो, भगवान भेट्न पापी तरिकाले बनाइएको बाटोको प्रयोग, यो कस्तो पुण्य हो ?

तिम्रा भगवान र मेरा देशका भगवान उस्तै हालान् जस्तो लागेको थियो तर तिमीले त भगवानलाई पनि देशको परिधीमा बाँधिदियौ । लकडाउनमा विश्व सबै त्रासमा भएको ब्लामा तिमीले असभ्य तर शान्त भएर मेरो देशको माटो मिच्यौ, मेरो देशको माटो मिचेर बनाइएको त्यस बाटोमा यात्रा गरेर तिमी तिर्थ त पुग्छौ पनि होला तर मोक्ष पाउनेछैनौ, याद गर ।

मलाई रिस उठ्ने अधिकार पटक्कै छैन, म सानो र कमजोर देशको बासिन्दा हुँ, मैले गुनासो राख्ने ठाँउ छैन किनकि मेरो देशको सरकार या त लाचार छ या त बिकेको छ , म आज आवाज बोकेर आँए, मेरो आवाज एउटा स्वर बनोस । भारतीयहरु प्रति मलाई गुनासो छैन, तिनीहरु असल साथीहरु हुन्, मेरो त परिवारको इतिहास नै भारतसंग पनि जोडिएको छ तर मलाई भारतीय शाषक, नेतृत्व र नितिलाई प्रश्न छ । अनि तपाँईहरु सारा विश्व समुदाय, जुनसुकै देश या ठाँउमा बसेर यो कुरा पढ्दै हुनुहुन्छ, सुन्दैहुनुहुन्छ, के यो यो विश्वका साना र कमजोर देशहरुलाई आफ्नो सिमा रक्षा गर्ने अधिकार छैन ? हरेक नेपालीहरुको प्रथम प्रेमी या प्रेमीका भनेको उनीहरुको माटो हो, तिमीहरुले कैलाश नजिक पार्न पशुपतीलाई हेपेका छौ, भगवान पाउन मान्छेहरुलाई चित्त दुखाएका छौ, दादागिरीको अन्त राम्रो हुँदैन, इतिहास साक्षी छ ।

प्रतिक्रिया दिनुहोस !
सम्बन्धित खबरहरु

भारत सरकारको अनुदान सहयोगमा तनहुँ जिल्लाको घिरिङ गाँउपालिकामा अवस्थित श्री दिपक माध्यमिक विद्यालयको नवनिर्मित भवनको उद्घाटन भएको छ । भारतीय

भारत सरकारको अनुदान सहयोगमा सिन्धुली जिल्लाको कमलामाई नगरपालिका–६ मा अवस्थित सिन्धुली सामुदायिक टेक्निकल इन्स्टिच्यूटको नवनिर्मित शैक्षिक भवनको उद्घाटन सम्पन्न भएको

विपद् न्युनीकरण प्रयासमा नेपाललाई निरन्तर सहयोग गर्ने हाम्रो प्रतिबद्धता अनुरुप नेपालका लागि भारतीय राजदूत नवीन श्रीवास्तवले गृह मन्त्रालय, सिंहदरबारमा आयोजित

भारत सरकारको अनुदान सहयोगमा डोटी जिल्लाको जोरायल गाउँपालिका–४ कुण्डीकोटमा अवस्थित श्री घण्टेश्वर माध्यमिक विद्यालयका लागि निर्मित विद्यालय भवन तथा छात्रावास