खै कता हरायौ तिमी ?
आजभोलि म निकै खोजीरहन्छु हरपल,
ति मिठा अनि न्यानो साथलाई सम्झदै
खै कता हरायौ तिमी?
कहाँ कहाँ खोजु म, तिमी कहाँ लुक्यौ,
मलाई त तिम्रो लत लागिसक्यो
खै कता हरायौ तिमी ?

त्यो कसिलो अनि मिठा अनुभवहरु,
तिमी साथ हुदाँ सुरक्षित महसुस गर्ने म,
आज भौतारिएको छु यताउता खोज्दै
खै कता हरायौ तिमी ?
जब रातमा शिरशिर बतास चल्छ,
तब म तिमीलाई सम्झन्छु,
जब म कमजोर भएको ठान्छु
म तिमीलाई सम्झन्छु
खै कता हरायौ तिमी ?

तिम्रो त्यो मिठो सुगन्ध ,
अनि ममा लुटपुटिएकी तिमी सम्झी रहन्छु
खै कता हरायौ तिमी ?
तिमी बिनाका यि दिनहरु अनि रातहरु काट्न मुस्कील
अरु कोहीसँग यी पलहरु पनि साट्न मुस्कील
खै कता हरायौ तिमी ?

म खोजी रहे यताउता, जताततै जहाँ तिमीसँग मेरो भेट हुन्थयौ
आज भने तिमीलाई भेटदिन कतै
खै कता हरायौ तिमी ?
म तिमीलाई धेरै सम्झीरहन्छु, खोजीरहन्छु
यो चिसो मौसममा, तिम्रो याद आइरहन्छ
खै कता हरायौ तिमी ?
मेरोप्यारो,न्यानो,ऊनीको सेतो गलबन्दी
प्यारो गलबन्दी

-Subash Bhandari