अन्तराष्ट्रिय पर्वतीय ग्रेट हिमालयन महोत्सव पोखरामा

पोखरामा ‘अन्तराष्ट्रिय पर्वतीय ग्रेट हिमालयन महोत्सव‘ हुने भएको छ । महोत्सव नेपाल पर्वतारोहण संघंको आयोजनामा डिसेम्बर १० देखि १२ सम्म ३ दिन अन्तराष्ट्रिय पर्वतिय संग्रहालय, पोखरा-१७ मा गर्न लागिएको हो । सन् २०१४ मा संयुक्त राष्ट्रसंघले डिसम्बर ११ लाई अन्तराष्ट्रिय पर्वतीय दिवस घोषणा गरेपछि नेपाल पर्वतारोहण संघले पनि पर्वतीय महोत्सव आयोजना गर्दै आएको छ ।

विगत ५ बर्ष देखि मनाइँदै आएको यस महोत्सवमा विज्ञान, प्रविधि, खानाका परिकार, सूचना केन्द्र, विभिन्न पर्यटकीय वस्तु सहितका ३० भन्दा बढी व्यावसायिक स्टलहरु रहनेछन् । गुरुङ, मगर, राई, लिम्बू, शेर्पा, थकाली तामाङलगायतका अन्य जनजाति तथा समुदायका सांस्कृतिक नाच तथा खानाका परिकारलाई समेत प्रतिस्पर्धात्मक रुपमा राखिने र उक्त खानाका परिकारमध्ये प्रथम, द्वितीय र तृतीयलाई पुरस्कार तथा प्रमाणपत्र प्रदान गरिने छ ।

खेल पर्यटनको विकास गर्ने उद्देश्यका साथ ४५ किमीको अल्ट्रा म्याराथन हुनेछ । जसलाई ‘एनएमए बैकुण्ठ मानन्धर हिमालयन म्याराथन’ नाम दिइएको छ । म्याराथनका प्रथम विजेतालाइ रु १ लाख दृतिय विजेताले रु ५० हजार र तृतीय विजेताले रु २० हजार पुरस्कार स्वरुप प्राप्त गर्ने छन भने महिला हरुका लागि हाप म्याराथुन जस्मा प्रथम हुनले रु ५० हजार, द्धितिय हुनेले २५ हजार र तृतीय हुनेले १५ हजार पाउने आयोजकले बताए ।

महोत्सवमा हिमालयन साइक्लिङ, टोनी हेगन टुरिजम पेन्टिङ, तारो हान्ने र छेलो हान्ने, बोल्डरिङ क्लाइम्बिङ समावेश गरिएको छ । साइक्लिङतर्फ विजेताले एक लाख १० हजार र पन्टिङतर्फ विजेताले ५५ हजार पुरस्कार पाउनेछन् साथैप्रसिद्ध हिमाल आरोहण गर्नेलाई सम्मान गर्ने कार्यक्रमसमेत रहेको छ ।

५० हजार भन्दा बढीले अवलोकन गर्ने पर्यटन बोर्डको सहकार्यमा हुने यस महोत्सवले भिजिट नेपाल २०२० लाई समेत सहयोग पुग्ने हिसावले पर्वतीय महोत्सव आयोजना गरिएको आयोजकले दाबी गरेका छन ।