अमेरिकी राष्ट्रपति ट्रम्प विरुद्ध इरानले जारी गर्यो पक्राउपुर्जी, इन्टरपोललाई सहयोग गर्न आव्हान
१६ असार २०७७, मंगलवार ००:५२
इरानी जनरल सुलेमानीलाई इराकको बग्दादमा मारेको आरोपमा इरानले अमेरिकी राष्ट्रपति ट्रम्प र उन्का केहि सहयोगीविरुद्ध पक्राउ पूर्जी वारेन्ट जारी गरेको छ ।
सोमबार तेहरानका न्यायधिक अली अलकाशीमेरले जनवरी ३ मा बग्दादमा जनरल सोलेमानीलाई हत्या गरेको आरोपमा ट्रम्प लगायत अन्य ३० अमेरिकी अधिकारी र सैन्य अधिकारीहरु विरुद्ध किटानी जाहेरीका साथ वारेन्ट जारी गरेको हो ।
Iran has issued arrest warrants for Donald Trump and 35 others over the killing of top general Qassem Soleimani and has asked Interpol for help https://t.co/1CGAo9yoii pic.twitter.com/lxfJhG0pqm
— Reuters (@Reuters) June 29, 2020
अली काशीमेरका अनुसार उन्को कार्यकाल सकिएपछि पनि जनरल सोलेमानीको हत्या आरोपमा अमेरिकी नेतृत्वलाई इरानले कारवाही गर्न नछाड्ने बताएका छन् । फ्रान्सको लियोनमा रहेको इन्टरपोलले भने ईरानको यस कदमबारे केहि बोलिसकेको छैन । काशीमेरका अनुसार इन्टरपोललाई यि व्यक्तिहरु विरुद्ध मुद्दा दायर गरेर पक्राउ गर्नका लागि सहयोगको आव्हान गरेको छ । इन्टरपोलमा सामान्यतया देश या सुरक्षा निकायहरुले अपराधीहरुका विरुद्धमा प्रमाणसहित पक्राउ पूर्जी जारी गर्दछ र इन्टरपोलले यी पूर्जी अनुरुप अपराधीहरुलाई पक्राउ गर्ने गर्दछ ।
इरान र अमेरिकी द्वन्दको श्रृंखलाहरुमा यस प्रकरणले थप कटुता निम्त्याएको छ ।
