Lifestyle Portal
  •   २४ श्रावण २०७९, मंगलवार

वलिउडले गुमायो अर्को महान हस्ती ‘मास्टरजी’ सरोज खानको निधन

१९ असार २०७७, शुक्रबार १२:१९

मास्टरजी सामान्यतया पुरुषलाई गरिने सम्वोधन हो यद्धपी वलिउडमा पछिल्ला ३ दशकदेखि महिला मास्टरजी अर्थात चर्चीत नृत्य निर्देशक सरोज खानको बोलबाला रही रह्यो । गतराती २ बजेर ३० मिनटमा सरोजले आफ्नो अन्तिम सास फेरिन्, शुक्रवार यिनको अन्त्येष्टि मुम्बईको वालाडमा गरिनेछ । उनी वलिउडमा ‘मदर अफ डान्स’को उपनामले परिचित थिइन् ।

वलिउडको कोरियोग्राफीको रङ्गीन इतिहास अनि लोभ्याउने प्रर्दशनमा सरोज खानको उल्लेखनीय भूमिका छ । चलचित्र चल्न गीतको उल्लेखनीय भूमिका हुने वलिउडको पार्श्वगायन अनि गीतको छायाङ्कन विश्वभर नै चर्चित छ । सरोज खानले यहि वलिउडको आङ्गनमा २००० भन्दा बढि गीतहरुमा कोरियोग्राफी गरिन् । गीतको शब्द अनुसारका अनुहारका हाउभाउका लागि खप्पिस मास्टर सरोज खान ‘एक्स्प्रेशन क्वीन’को उपनामले समेत परिचित थिइन् ।

माधुरी दिक्षित र श्रीदेवीका गीतहरुमा सल्बलाएको आधुनिक वलिउडको रङ्गीन चलायमान चित्रहरुमा सरोज खानको नेतृत्व गज्जब मानिन्छ । रेन डान्स देखि स्वप्न झै देखिने दृश्यसम्म, एैतिहासिक कालका झल्को दिने कोरियोग्राफ देखि आधुनिक यूगका भर्चुअल प्रेमकथाका सिनेमामा समेटिएका गीतका दृश्यमा सरोजले कलात्मक गती दिएकी थिइन् ।

सरोज खानले तीन पटक भारतको प्रतिष्ठित ‘नेशनल फिल्म अवार्ड’ प्राप्त गरेकी थिईन । सन् २००३ मा देवदासको गीत “डोला रे डोला”, २००६ मा श्रृंगारमका लागि तथा २००८ मा जब वी मेटको ‘ये इश्क हाए’का लागि नेश्नल फिल्म अवार्ड प्रदान गरिएको थियो ।

नृत्य अर्थात डान्स सबैका लागि सहज छ, सबैजनाले नाच्न सक्दछन् भन्ने तथ्य प्रयोगात्मकरुपमा नै वलिउडमा स्थापना गर्न सफल सरोज खानको जन्म सन् १९४८ मा भएको थियो । सन् २०२० सम्मको इहलिलामा वलिउडकी मास्टरजीले अनेकन सृजना र प्रयोगहरु छाडेर गएकी छिन् । यिनका जादूमय कोरियोग्राफहरु स्क्रिनमा सदाबहार भएर बाँचिरहनेछन् । यिनले २००० भन्दा बढि गीतहरुमा निर्देशन गरेकी छिन्, काम र नयापना दिने कुरामा यिन्को नेतृत्वलाई वलिउडले सदैव सम्मान गर्नेछ । वलिउडको अनस्क्रिन डान्सदेखि गीतहरु सुनेर नाच्ने विश्वभरका दर्शकहरुसम्म सरोज खानका सहज अनि सरल नृत्य स्टेपमा झुमिरहने छन् । वलिवुडकी मास्टरजीलाई नेपालवाट श्रद्धासुमन !

प्रतिक्रिया दिनुहोस !
सम्बन्धित खबरहरु

पर्वको बहानामा अराजकता फैलाएको भन्दै ‘विश्व हिन्दू परिषद् नेपाल’द्वारा जिल्ला प्रशासन कार्यालय पर्साका प्रमुख जिल्ला अधिकारीलाई ध्यानाकर्षण गराएको छ ।

बलिउड सिनेमाका ५ तारे समिक्षक तरन आदर्शले आफ्नो आधिकारीक फेसबुक अकाउन्टबाट यहि साता एउटा पोष्ट सार्वजनिक गरे जुन पोष्टमा नवपुस्ताका

हाम्रा बजारहरूमा पच्चीस पैसा, पचास पैसा, एक रुपियाँका सिक्का देखिन छाडेको वर्षौं भयो। यसैगरी एक र दुईका कागजी नोट बजारमा

भारत सरकारको अनुदान सहयोगमा तनहुँ जिल्लाको घिरिङ गाँउपालिकामा अवस्थित श्री दिपक माध्यमिक विद्यालयको नवनिर्मित भवनको उद्घाटन भएको छ । भारतीय