अफ्गानीस्तानका अन्डरग्राउण्ड डन मानिने यि वारलर्ड त्यहाँका अधिकांश बलात्कार, चोरी, लुट अनि अपहरणका मुद्दाहरुमा अभियोग लागेका ठूलो आपराधिक तथा गैरकानूनी समूह चलाउने र अपराधीलाई संरक्षण गर्ने आरोपमा मुछिएका व्यक्ति हुन् । मानव अधिकार उल्लंघनका हजारौं मुद्दाहरु यिनीउपर छ यद्धपी यिनै व्यक्तिलाई अफगान सरकारले सेनाको सबैभन्दा ठूलो उपाधी ‘मार्शल’ले विभूषित गरिदिएको छ ।

अव्दुल राशीद दोस्तम ६६ वर्षका छन्, यिनलाई अफ्गानी सेनाको सम्मानजनक मार्शल उपाधीले बिभूषित गरिएको हो । राष्ट्रपति अशरफ घानीले यो सम्मान प्रदान गरेका हुन् । अव्दुल राशीदका प्रवक्ताले दोस्तमको भनाई उदृत गर्दै भनेका छन्, “आफूलाई यसरी मार्शल उपाधी प्रदान गरिनु हजारौं जना मुजाहिद्धिन लडाकुको वलिदानलाई कदर गरिएको” बताएका छन् ।

#Breaking: President Ashraf Ghani in a decree awarded Abdul Rashid Dostum the rank of marshal.#Afghanistan #Dostum #Ghani pic.twitter.com/9ilrIWlu6o

— Ariana News (@ArianaNews_) July 2, 2020

सन् २०१४ मा दोस्तम घानीको सरकारमा उपराष्ट्रपतिका दावेदार थिए तर त्यसो हुन सकेन । अफगान सरकारले आफ्ना जम्मा ३ जना नागरीकलाई मात्र अहिलेसम्म सेनाको मार्शल डिक्रि दिएको छ, दोस्तम तेश्रो व्यक्ति हुन् । वारलर्ड भनेर चिनिएका अव्दुल राशीदको अफ्गानीस्तानमा एकदमै क्रुर छवी छ, हजारौं किटानी जाहेरी सहितका मुद्धा समेत अव्दुल राशीद अफ्गानीस्तानका वारलर्ड मानिन्छन्, पछिल्लो समय राष्ट्रपति घानीसँगको विवादका कारण यिनी अपोजिशन अव्दुल्लाह तर्फ झुकेका मानिन्छ, गत मे महिनामा अव्दुल राशीद र अहिलेका राष्ट्रपति रुहानीबिच सम्झौता भए अनुसार नै यो महत्वपूर्ण उपाधी प्रदान गरिएको हो । अफ्गानीस्तानमा यिनी अत्यन्तै महत्वपूर्ण तथा शक्तिशाली व्यक्ति मानिन्छन ।