कोरोनाभाइरस संक्रमितहरुका लागि दिल्लीमा खुल्यो ‘विश्वकै सबैभन्दा ठूलो’ स्याहार केन्द्र
छिमेकी राष्ट्र हिन्दुस्तानको राजधानी नयाँ दिल्लीमा एक हजार शय्यासहितको ‘कोरोनाभाइरस स्याहार केन्द्र’ सरदार पटेल कोभिड अस्पतालको उद्घाटन भएको छ । जसमा २५० वटा आइसियु बेड रहेका छन् । कोरोनाभाइरस (कोभिड-१९) संक्रमणको प्रारम्भिक लक्षण तथा कोभिड-१९ पोजेटिभ भएको अथवा कोभिडसँग सम्बन्धित कुनै पनि लक्षण नदेखिएकाहरुका लागि समेत केन्द्रले उपचारको व्यवस्था गर्नेछ ।
‘विश्वकै सबैभन्दा ठूलो’ संक्रमित स्याहार केन्द्र दावी गरिएको त्यस स्याहार केन्द्र झण्डै बिस (२) वटा फुटबल मैदान बराबरको क्षेत्रफलमा रहेको छ ।
ट्विटर ह्याण्डलमार्फत सरदार पटेल कोभिड अस्पतालबारे हिन्दुस्तानका गृहमन्त्री तथा भारतीय जनता पार्टिका पूर्व अध्यक्ष अमित शाहले सार्वजनिक गरेका हुन् । शाह लेख्छन्, “डीआरडीओले सरदार वल्लभ भाई पटेल कोभिड-१९ अस्पताललाई केवल १२ दिनको रेकर्ड समयभित्र MHA, MOHFW, सशस्त्र बलो तथा टाटा ट्रस्टको सहयोगमा बनाइएको हो ।” उनीसगँगै रक्षामन्त्री राजनाथ सिंह तथा टाटा सुपुत्र पनि उपस्थित थिए ।
Visiting the 1000 Bed Sardar Patel COVID Hospital with 250 ICU Beds built in record time by DRDO & Tata Sons along with Raksha Mantri Shri @rajnathsingh ji. https://t.co/WHvV1wtALe
— Amit Shah (@AmitShah) July 5, 2020
यस ‘कोरोनाभाइरस स्याहार केन्द्र’मा ६०० सैन्य जवानलाई सेवाका लागि उपलब्ध अवस्थामा राखिएको छ । जसमा तत्कालका लागि डाक्टर, नर्श, स्टाफ तथा प्यारामेडिकल टिम पनि संलग्न छन् ।
कोरोनाभाइरस (कोभिड-१९) को संक्रमणमा दिल्ली भारतको अत्याधिक प्रभावित क्षेत्रमध्ये एकमा पर्दछ । भारतमा आइतवार सर्वाधिक चौबिस हजार आठसय (२४८००) नयाँ संक्रमित भेटिएको घटना पुष्टि भएसँगै विश्वभरमा सबैभन्दा बढि कोरोनाभाइरस संक्रमित दर्ता भएको देशको सूचीमा रसियालाई पछाडी पार्दै तेस्रो स्थानमा पुगेको छ । भारतमाथी अमेरिका तथा ब्राजिलमा भारतभन्दा दुइगुणा बढी कोरोनाभाइरस संक्रमित दर्ता भएका छन् । शिर्ष १२ देशको सूचीमा भारतसहित एशियाका ३ देशहरु रहेका छन् ।
कोरोनाभाइरस (कोभिड-१९)को संक्रमणका कारण हालसम्म भारतमा उन्नाइस हजार (१९०००) भन्दा बढीले ज्यान गुमाइसकेका छन् ।
