Lifestyle Portal
  •   २५ बैशाख २०७८, शनिबार

१५० वर्षदेखिको इतिहास बोकेका जम्मू-कश्मीरस्थित ‘गोर्खा सैनिक’ले ‘मूल निवासी प्रमाणपत्र’ पाउन थाले

२२ असार २०७७, सोमबार २३:४०

केन्द्र सरकारको निर्देशनमा जम्मू तथा कश्मीर प्रशासनले डोमिसाइल सर्टिफिकेट (मूल निवास प्रमाण पत्र) जारी गर्ने कार्य प्रारम्भ गरेको छ । अहिलेसम्म दुवै क्षेत्रमा गरी झण्डै ६ हजर ६ सय नागरिकले यो प्रमाणपत्र प्राप्त गरिसकेका छन्, र यो प्रमाणपत्र प्राप्त गर्नेहरुमा अधिकांश भारतीय सेनामा काम गर्ने गोर्खा समूदायका सैनिकहरु रहेका छन् जसको नालीबेली झण्डै १५० वर्ष पुरानो छ । अहिले जम्मू-कश्मीर दुवै ठाउँमा झण्डै १ लाख भन्दा बढी जनसंख्यामा गोर्खा सैनिक रहेका छन् ।

गोर्खा सैनिकहरुलाई त्यहाँको मूल निवास प्रमाण पत्रप्राप्त भएसँगै अब उनीहरुले जम्मू-कश्मीरमा सम्पत्ति खरिद बिक्रि गर्ने कानूनी अधिकार समेत प्राप्त गरेका छन् ।

हालैमात्र त्यहाँ योग्यहरुलाई आवेदन भर्नेहरुलाई १५ दिनभित्र प्रमाणपत्र दिइने प्रावधानमाथि निर्णय भएको थियो । यस्तोमा यस प्रमाणपत्र प्रदान गरेको अधिकारीले सबै प्रकृया पुर्याएका आवेदकलाई १५ दिन भित्र प्रमाणपत्र दिनसकेन भने ५० हजार जरिवानाको तिर्नुपर्ने नियम बनाएको छ । आवेदन भर्नेहरुमध्ये ठूलो संख्यामा रिटायर्ड सैनिक तथा सैनिक अधिकारीहरु रहेका छन् ।

नयाँ नियम अनुसार जम्मू-कश्मीरमा विगत ७ वर्ष देखि त्यहाँ शिक्षा हासिल गरीरहेका विद्यार्थीहरुले पनि यो डोमिसाइल सर्टिफिकेट दावी गर्न सक्नेछन् ।


यो (डोमिसाइल) मूल निवास प्रमाणपत्र प्राप्त गर्नेहरुले केन्द्र शासित जुनसुकै प्रदेशमा समेत सरकारी जागिरका लागि आवेदन दिन सक्नेछन् ।

स्थानीय अधिकारीका अनुसार यो प्रमाणपत्रका लागि उनीहरुले लगातार आवेदन प्राप्त गरीरहेका छन् । ताजा आँकडा अनुसार हालसम्म झण्डै ३३ हजार आवेदन दर्ता भइसकेको छ । जसमा प्रतिदिन २०० हाराहारीमा आवेदन आइरहेका छन् ।

यो निर्णयका कारण गोर्खा समूदायको एउटा सदियौं लामो संघर्षको पनि समापन भएको छ । गोर्खा समूदायले लगभग आशा मारीसकेका थिए तर उनको प्रतिक्षाको फल बल्ल प्राप्त हुन थालेको छ ।

प्रतिक्रिया दिनुहोस !
Loading comments...
सम्बन्धित खबरहरु

काठमाडौं । कोरोना संक्रमितको संख्या बढेपछि नेपाली कांग्रेसका सांसद गगनकुमार थापाले आफ्नो निर्वाचन क्षेत्रको सांसदको कार्यालयलाई होम आइसोलेसन बनाएका छन्

काठमाडौं । चीनबाट अत्यावश्यक स्वास्थ्य सामग्री लिन राष्ट्रिय ध्वजावाहक नेपाल वायुसेवा निगम (नेपाल एयरलाइन्स) को वाइड बडी ए३३० जहाज यही

काठमाडौं । चिनियाँ कम्पनी सिनोफार्मबाट बनेको कोभिड भ्याक्सिनलाई विश्व स्वास्थ्य संगठनले आपतकालीन प्रयोगको अनुमति दिएको छ । अफ्रिका, ल्याटिन अमेरिका

गलकोट । बागलुङ जिल्लाको बडिगाड गाउँपालिका–४ जलजलाका २५ जनामा शुक्रबार एकैसाथ कोरोना पुष्टि भएको छ । उनीहरु सबै विवाह भोजमा