लकडाउनमा घर बसाइको समयलाई सृजनात्मक बनाउँदै आफ्नो ठाउँलाई प्रचार गर्ने उद्देश्यका साथ नेपाल पर्यटन बोर्डले आयोजना गरेको झयालबाट देखिने सुन्दर दृश्यको फोटो प्रतियोगितामा सहभागी सात सय भन्दा बढी फोटोहरुमध्ये उत्कृष्ट ५ छनौट गरिएको छ ।

उत्कृष्ट पाँचमा छनौट भएका फोटोग्राफरहरु प्रबिन श्रेष्ठ, उमेश स्थापित, शुसिल पौडेल, साम्दे शेर्पा र कमल कँडेल रहेका छन् । यस प्रतियोगिताको मुख्य निर्णायकमा वरिष्ठ फोटोपत्रकार नरेन्द्र श्रेष्ठ हुनुहुन्थ्यो ।

प्रतियोगितामा नेपालको कुनै ठाउँको प्राकृतिक सौन्दर्य, संस्कृति, पर्यटन गतिविधि वा केही पनि सान्दर्भिक तस्बिरहरु अनलाइनबाट पठाउन अनुरोध गरिएको थियो ।

नेपाल पर्यटन बोर्डको फोटो अभियानको साइट photonepal.travel मार्फत प्रतियोगितामा सहभागीता जनाइएको थियो । विजयीहरुलाई जनही दश हजार नगद पुरस्कार प्रदान गरिनेछ ।

बोर्डका कार्यकारी प्रमुख डा. धनञ्जय रेग्मीले बिजयीहरुलाई वधाइ एवं सहभागीहरुलाई धन्यवाद ज्ञापन गर्दै आगामी दिनहरुमा पनि बोर्डको नेपाल प्रबद्र्धन गर्ने अभियानहरुमा सहभागी हुन अनुरोध गर्नुभएको छ ।

उत्कृष्ट फोटोहरु फोटो नेपालको तलको लिङ्क र मेलसँगै प्रेषित छ
https://photonepal.travel/photo/3007/rolwaling-himal-range-with-kathmandu-valley
https://photonepal.travel/photo/2424/serene
https://photonepal.travel/photo/3513/the-serenity-from-the-window
https://photonepal.travel/photo/3259/khasti-chaitya-boudha
https://photonepal.travel/photo/2690/nepali-conversation

कभर तस्वीरः सुशिल पौडेल