Lifestyle Portal
  •   १९ असार २०७९, आईतवार

भारतमा १० अर्ब डलर लगानी गर्ने गुगलको योजना

३ श्रावण २०७७, शनिबार ०९:३३

नयाँ दिल्ली । अमेरिकी प्रविधि कम्पनी गुगलले भारतमा आगामी वर्षहरुमा १० अर्ब अमेरिकी डलर लगानी गर्ने योजना बनाएको छ ।

गुगलले अबको पाँचदेखि सात वर्षमा भारतमा १० अर्ब अमेरिकी डलर लगानी गर्ने घोषणा गरिसकेको छ । यसअघि सोमबार गुगल र अल्फाबेटका सीईओ सुन्दर पिचाईले ‘गुगल फर इन्डिया’ नामक भर्चुअल कार्यक्रममार्फत उक्त रकम लगानी गर्ने योजनाबारे घोषणा गरेका हुन् ।


भारतमा संरचना निर्माण र शेयर खरिदको माध्यमबाट उक्त लगानी गर्न लागिएको हो । उनले भारतको डिजिटल अर्थतन्त्रलाई बढावा दिन यो लगानीको योजना अघि सारिएको बताएका छ ।

उनले कोरोना भाइरस (कोभिड–१९) को महामारीको क्रममा अनलाइन एक लाइफलाइन बनेको पनि बताए । सन् २०१५ मा पहिलोपटक ‘गुगल फर इण्डिया’ कार्यक्रमको आयोजना गरिएको थियो ।

त्यसपछि प्रत्येक वर्ष यो कार्यक्रम आयोजना हुँदै आएको छ । सोमबारको कार्यक्रम छैटौं कार्यक्रम थियो । सोमबार भारतका प्रधानमन्त्री नरेन्द्र मोदीले सुन्दर पिचाईसँग छलफल गरेका थिए ।

छलफलको क्रममा उनीहरुको बीचमा विभिन्न विषयमा छलफल भएको थियो । मोदीले कोरोना भाइरसका साथै प्रविधिको भूमिकाको विषयमा पनि चर्चा भएको थियो ।

यसअघि अमेजनका सीईओ जेफ बेजोसले भारत भ्रमणका क्रममा एक अर्ब डलरको लगानी गर्ने प्रतिबद्धता व्यक्त गरेका थिए भने उनले आगामी पाँच वर्षमा १० अर्ब अमेरिकी डलरको निर्यातमा सहयोग गर्ने बताएका थिए ।

चीनले गुगललाई प्रतिबन्ध लगाएपछि विश्वको ठूलो शक्ति र बजार भएको देशमा भारतमा गूगलले लगानी गर्ने जनाइएको छ ।

५० करोड भन्दा बढि सक्रिय इन्टरनेट प्रयोगकर्ताहरु भएको भारतमा गुगलले आफ्नो बजार प्रभुत्व स्थापित गर्ने भएको छ । उक्त लगानी ‘गुगल फर इण्डिया डिजिटाइजेसन फन्ड’ अन्तर्गत गरिने बताइएको छ ।

प्रतिक्रिया दिनुहोस !
सम्बन्धित खबरहरु

भारत सरकारको अनुदान सहयोग अन्तर्गत नेपालका विविध हितग्राही संस्थाहरुलाई ७५ वटा एम्बुलेन्स र १७ वटा विद्यालय बस उपहार प्रदान गरिएको

नेपालका लागि नवनियुक्त भारतीय राजदूत नवीन श्रीवास्तवले आज राष्ट्रपति भवन, शितल निवासमा आयोजित एक समारोहमा सम्माननीय राष्ट्रपति श्रीमती विद्यादेवी भण्डारी

नेपाली मोटरसाइकल राइडर दीपक साह भारतको हिमाचल प्रदेशको चाम्बामा आयोजित ‘र्‍याली अफ चाम्बा’ को ‘एक्स्ट्रिम (मोटो) २०२२’ को विजेता बनेका

नेपालका लागि नव–नियुक्त भारतीय राजदूत महामहिम नवीन श्रीवास्तव आज काठमाडौं आइपुग्नुभएको छ । श्रीवास्तव करियर कूटनीतिज्ञ हुनुहुन्छ । काठमाडौं आउनु