बिकासशील मुलुकहरूलाई सहयोग गर्ने भारतको प्रतिबद्धता
३ श्रावण २०७७, शनिबार ०९:५२
भारतीय प्रधानमन्त्री नरेन्द्र मोदीले संयुक्त राष्ट्र आर्थिक र सामाजिक परिषद सत्र (ECOSOC) मा भारतले बिकासशील मुलुकलाई सहयोग गर्ने प्रतिबद्धता जनाउँदै बहुपक्षीयता मार्फत् दिगो शान्तिको लक्ष्य प्राप्त गर्नसकिने बताए ।
उक्त अधिवेशनमा नर्वेका प्रधानमन्त्री र संयुक्त राष्ट्र संघका महासचिव एन्टोनियो गुटेरेस उपस्थित थिए ।
Speaking at the High-Level Segment of ECOSOC. https://t.co/BYh60MU7Ku
— Narendra Modi (@narendramodi) July 17, 2020
‘बहुपक्षीयता’ भन्ने विषयमा उनले गरेको १५ मिनेटको सम्बोधनमा मोदीले भारत सरकारले कोविड-१९ सँग लड्न र समावेशी विकास सुनिश्चित गर्न भारतमा चालिएको विभिन्न पहलहरूबारे प्रकाश पार्दै अन्य विकासशील देशहरुलाई दिगो विकासको लक्ष्य (एसडीजी) प्राप्त गर्न सहयोग गर्ने प्रतिबद्धता ब्यक्त गरे ।
“आवश्यकताको साथीको रुपमा” क्षेत्रको पहिलो उत्तरदाता भएकोमा भारत गौरवान्वित रहेको उनले बताए । भूकम्पको समयमा होस् वा कुनै प्राकृतिक वा मानव निर्मित संकट, भारतले पूर्ण ऐक्यवद्धताका साथ संकटसङग जुझ्न अन्य मुलुकहरूलाई सहयोग गरेको प्रधानमन्त्री मोदीले बताए ।
