Lifestyle Portal
  •   २१ असार २०७९, मंगलवार

आफ्नै भाञ्जाको अपहरण पश्चात फरार रहेका हत्याका आरोपी १३ वर्ष पछि पक्राउ

४ श्रावण २०७७, आईतवार २१:४१

काठमाण्डौ, ४ साउन । आफ्नै भाञ्जा नाता पर्ने ११ वर्षीय रोहित गुप्ताको अपहरण पश्चात हत्या गर्ने अभियुक्त भारत मुजफ्फरपुर नगर थाना आखाडाघाट ठेगाना भएका ४५ वर्षीय राजेश कुमार गुप्तालाई घटनाको १३ वर्षपछि प्रहरीले पक्राउ गरेको छ । महानगरीय अपराध महाशाखा काठमाण्डौबाट खटिएको प्रहरीले गुप्तालाई सर्लाही मलंगवा-८ स्थित गोरखकालीबाट पक्राउ गरेको हो ।

भारत बिहार सीतामढी मुजफ्फरपुर घर भई काठमाडौं महानगरपालिका-२२ खिचापोखरी बस्ने ‘राई स्कूल’ जोरपाटीमा अध्ययनरत रोहित २०६४ असोज २४ गते बेलुका घरबाट निस्केकोमा राति अपरिचित व्यक्तिले टेलिफोनमार्फत उनको बुबासँग छोरा अपहरणमा परेकोले २ लाख ५० हजार रुपैयाँ फिरौति रकम दिएमा मात्र छोरा छाड्ने जानकारी गराएका थिए । फिरौति रकम प्राप्त भए पश्चात पनि बालक अपहरण मुक्त नभएको र खोजतालस गर्ने क्रममा २०६४ असोज २७ गते बेलुका काठमाण्डौ महानगरपालिका-३२ कमलादीस्थित गणेश मन्दिर नजिक सडक पेटिमा प्लाष्टिकको बोरामा पोको पारी फालेको अवस्थामा रोहितको शव फेला परेको थियो ।

अनुसन्धानको शिलशिलामा बालक अपहरण तथा हत्याको योजनाकार रोहितकै मामा राजेशले काठमाण्डौ खिचापोखरीमा रहेको पसलमा काम गर्ने धादिङ घर भएका बिष्णु सुनार समेतले जादू सिकाउने बाहनामा रोहितलाई बोलाई गोप्य कोठामा लगि बन्धक बनाउने क्रममा रोहित चिच्याउन लाग्दा राजेशले मुख थुनी दुवै जनाले घुडाले थिचेर रोहितको हत्या गरेको खुल्न आएको महानगरीय प्रहरी अपराध महाशाखा काठमाण्डौले जनाएको छ ।

घटना पश्चात राजेशले मृतकको बुबासँग फिरौति वापत २ लाख रुपैयाँ लिई थानकोटतर्फ गाएको र ट्याक्सीमा सवार अपरिचित व्यक्तिहरुले सो रकम लिएर गएको बहाना बनाउनुका साथै बालकको शवलाई बोरामा प्याक गरी भरियालाई व्यापारको खुद्रा सामान हो भनी कमलादीस्थित सडकमा फ्याकेको खुल्न आएको हो । घटना पश्चात मृतकको बुबालाई समेत झुक्यानमा पारी उनीसँगै प्रहरी कार्यालयमा गई केही समयसम्म खोजतालस गरेको बहाना समेत गरी त्यसपछि फरार भएका थिए ।

घटनामा संलग्न बिष्णु सुनार २०६४ मंसिर १२ गते पक्राउ परी हाल कारागारमा रहेको उक्त महाशाखाले जनाएको छ । यस सम्बन्धमा प्रहरीले थप अनुसन्धान गरिरहेको छ ।

प्रतिक्रिया दिनुहोस !
सम्बन्धित खबरहरु

नइ प्रकाशनको प्रतिष्ठा, गरिमा र महिमाको उचाइ अभिवृद्धिका लागि विशिष्ट योगदान पुर्याएबापत देशदेशान्तरका महानुभावलाई ‘नइ रजत महोत्सव पदक’ अर्पण गर्ने

असार १९, वीरगंज । विश्व हिन्दू परिषद् नेपाल, पर्सा निकट युवाहरुद्वारा पर्सा जिल्लाको वीरगञ्ज महानगरपालिकामा विरोध प्रदर्शन गरिएको छ ।

भारत सरकारको अनुदान सहयोग अन्तर्गत नेपालका विविध हितग्राही संस्थाहरुलाई ७५ वटा एम्बुलेन्स र १७ वटा विद्यालय बस उपहार प्रदान गरिएको

नेपालका लागि नवनियुक्त भारतीय राजदूत नवीन श्रीवास्तवले आज राष्ट्रपति भवन, शितल निवासमा आयोजित एक समारोहमा सम्माननीय राष्ट्रपति श्रीमती विद्यादेवी भण्डारी