Lifestyle Portal
  •   २१ माघ २०७९, शनिबार

कोरोनाभाइरस संक्रमणका कारण यो सिजनको ‘अमरनाथ यात्रा’ स्थगित

७ श्रावण २०७७, बुधबार १६:१३

लोकप्रिय

कश्मीरमा बढ्दो कोरोनाभाइरस संक्रमणको कारण देखाउँदै भारत प्रशासित कश्मीरमा सनातन हिन्दु धर्मावलम्बीहरूले दर्शन गर्ने अमरनाथ यात्रा यो वर्ष नहुने भएको छ ।

भगवान शिवको महत्वपूर्ण तीर्थाटनहरु मध्येको एक अमरनाथका लागि वर्षैपिच्छे आयोजित हुने धार्मिक यात्रा गत वर्ष पनि हुनसकेको थिएन । त्यसबेला सुरक्षाको कारण देखाउँदै भारतले यात्रा स्थगित गरेको थियो । यस पटकको यात्रा स्थगनमा भारत सरकारले त्यस भेगमा सङ्क्रमित व्यक्तिको सङ्ख्या बढिरहेको बताएको छ ।

वर्षको दुई महिनासम्म जारी रहने अमरनाथा यात्रामा प्रत्येक वर्ष लाखौं सनातन हिन्दु धर्मावलम्वीहरू सहभागी हुँदैआएका छन् ।

जम्मु तथा कश्मीरमा जुलाई ३१ सम्म सबै आस्थाका धार्मिक स्थलहरू बन्दाबन्दिका कारण प्रभावित भएका छन् । हिजो मात्रै जम्मु तथा कश्मीर क्षेत्रमा ६०८ नयाँ सङ्क्रमितहरुको पुष्टि भएको छ भने अहिलेसम्म त्यहाँ १५ हजार संक्रमित नाघि सकेको छ ।

समुन्द्रि सतहबाट १३ हजार फिट माथी हिउँले सेताम्मे सुन्दर प्राकृतिक छटामा चुनढुङ्गाको एउटा गुफामा प्राकृतिक रूपमा उत्पन्न हुने बरफको चट्टानी आकृतिलाई शिवलिङ्गको रुपमा पूजा गर्ने गरिएको छ ।

अमरनाथ मन्दिर सञ्चालक समितिले एउटा विज्ञप्तिमा तीर्थयात्रा लागि साधन र स्रोत उपलब्ध गराउँदा उक्त क्षेत्रको स्वास्थ्य प्रणाली प्रभावित हुने उल्लेख गरेको छ।

“यसबाट यात्रीहरूमा पनि कोभिड-१९ सर्ने अनावश्यक जोखिम बढ्छ ।” तर गुफामा हुने धार्मिक अनुष्ठानको टेलिभिजनबाट हुने प्रत्यक्ष प्रसारण भने नरोकिने बताइएको छ ।

प्रतिक्रिया दिनुहोस !
सम्बन्धित खबरहरु

एजेन्सी सीउल, १९ पुस उत्तर कोरियाली नेता किम जोङ उनले दोस्रो शक्तिशाली सैन्य अधिकारी पाक जोङ चोनलाई पदमुक्त गरेको कोरियाली

एजेन्सी सेनेगल, १९ पुस सेनेगलका दुई विपक्षी सांसदलाई बजेटको बहसका क्रममा गर्भवती सांसदलाई  पेटमा लात हानेको अभियोगमा ६ महिनाको जेल

कोरोना महामारी, निरन्तरको जलवायु प्रकोप, बढ्दो भूराजनीतिक तनाव, थलिएको अर्थतन्त्रमा कछुवाको गतिमा झिनो सुधार, ऊर्जा र खाद्यन्नको अकल्पनीय मूल्य वृद्धिलगायत

बकिङ्गम दरबारले एउटा विज्ञप्ति जारी गर्दै भनेको छ, “आज अपरान्ह बाल्मोरलमा महारानीको शान्तिपूर्ण निधन भएको छ । राजा र क्वीन