Lifestyle Portal
  •   २१ माघ २०७९, शनिबार

फ्याक्ट चेकः हावामा उड्दै आएर महिलासँग ठोक्किएका अटो ड्राइभरको भिडियोको वास्तविकता

१६ श्रावण २०७७, शुक्रबार २३:०९

लोकप्रिय

भारत । दक्षिण भारतको बेंगलुरूमा सडक पेटीमा हिंडिरहेकी एक महिलालाई हावामा उड्दै आएर बेजोड टक्कर दिएको सिसिटिभी फूटेज सामाजिक सञ्जालहरुमा भाइरल भएको छ । उक्त टक्कर पश्चात महिला रक्ताम्मे सडकमा ढलेकी थिइन् । घटना यति डरलाग्दो थियो की महिलाको टाउको र गर्दन गरी ५२ वटा सर्जिकल टाँका लागेको छ ।

उक्त भिडियोमा सुरुमा त मिश्रित प्रतिक्रियाहरु आएका थिए । जसमा अधिकांशले भिडियोसँग छेडछाड गरी भिज्वल इफेक्ट तथा एनिमेशनको सहायताले तयार पारिएको हो जस्ता कुराहरु आइरहेका थिए । हामीले यस भिडियोका सम्बन्धमा भारतको बेंगलुरूस्थित ‘Amrutha Orthopedic Centre’ मा कार्यरत नेपाली युवा फिजियोथेरापि डाक्टर प्रमोद कपारीसँग कुराकानी गर्यौं र साँझ प्राप्त जानकारी अनुसार भिडियो वास्तविक हो जसमा कुनैपनि किसिमको भिज्वल इफेक्ट अथवा एनिमेशनको प्रयोग गरिएको छैन । यस सम्बन्धमा बेंगलुरूका स्थानीय मेडियाहरुले समेत पुष्टि गरिसकेको कुरा जानकारी गराउनुभयो ।

पुरा भिडियो हेर्नुहोस्

के हो भिडियोको वास्तविकता?
सामाजिक सञ्जालमा भाइरल उक्त भिडियो सुरु-सुरुमा त कुनै जादू अथवा एनिमेटेड सिन झै लाग्छ तर यदि देब्रेपट्टिको स्क्रिनको खाली भागतर्फ हेर्नुभयो भने स्पष्ट देख्न सकिन्छ की त्यहाँ बिजुलीको पोलको एउटा तार झुण्डिरहेको छ । तार अटोको चक्कामा अल्झिएको रहेछ जसलाई अटो ड्राइभरले निकाल्ने कोशिस गर्न थाल्छन् । छेवैबाट तिब्र गतिमा आएको अर्को सवारीसँग त्यो तार अल्झिन्छ जसका कारण अचानक तार तन्किन थाल्छ र उक्ट अटो ड्राइभरको पेटको भागमा तार एक्कासी अल्झिएर तन्किंदा तार माथी गएसँगै ड्राइभर पनि तारसँगै झण्डै १०-२० फिटको उचाँई तथा ३०-४० फिटको दुरीसम्म हुत्तिएर सडकमा हिंडिरहेकी महिलाको शरिरसँग ठोक्किएर पछारिन्छन् ।

स्क्रिनसट अनुसार घटना स-विस्तारमा

स्क्रिनसट १ः अटोमा अल्झिएको तार निकाल्ने प्रयास गर्दै गरेका पँहेलो छत भएको अटोका ड्राइभर दाहिने । देब्रे कारसँग अल्झिसकेको झुण्डिएको तार र बिचमा सडक पेटितर्फ हिंडिरहेकी महिला ।
स्क्रिनसट २ः पँहेलो छत भएको अटो दाहिने जसको छेउमा ट्र्याक्टर गुडिरहेको छ । झुण्डिएको तारसँगै हावामा उडिरहेका अटो ड्राइभर र देब्रेपट्टी पछाडी फर्किएर उडिरहेका अटो ड्राइभर हेर्दै सतर्क भएर सडक पेटिमा उभिएकी महिला ।
स्क्रिनसट ३ः पँहेलो छत भएको अटो दाहिने जसको छेउमा ट्र्याक्टर गुडिरहेको छ । झुण्डिएको तारसँगै हावामा उडिरहेका अटो ड्राइभर र देब्रेपट्टी पछाडी फर्किएर उड्दै नजिकै आइसकेका अटो ड्राइभर हेर्दै सतर्क भएर सडक पेटिमा उभिएकी महिला ।
स्क्रिनसट ४ः पँहेलो छत भएको अटो दाहिने जसको छेउमा ट्र्याक्टर गुडिरहेको छ । झुण्डिएको तारसँगै हावामा उडिरहेका अटो ड्राइभर अब अल्झिएको तारबाट भुँईमा सडक पेटिमा उभिएकी महिलासँग ठोक्किए ।

महिलाको नाम सुनीता हो र उनी ४२ वर्षकी छिन् । उनको अनुसार यो घटना १६ जुलाई २०२० बिहान ११ः३४ बजे आसपासको हो । उनी बेंगलुरूको टीसी पाल्य जंक्शनको होटल अन्नपूर्णेश्वरी तर्फ जाँदैथिइन् । ‘मुम्बई मिरर’सँगको कुराकानीका क्रममा सुनिताले बताइन्, “यो सबै क्षणभरमैं भयो ।” उनी भन्छिन्, “कसैले मलाई बोलायो, म पल्टे पनि र देखें कि एकजना अटो ड्राइभर अञ्जनेया (भगवान हनुमान) झै उड्दै म भएतर्फ आउँदैछन् । त्यसपछि त उ मसँग ठोक्कियो र म पनि जमीनमा ढलें । मेरो गर्दनबाट रगत बग्नथाल्यो । म त्यहीं बसीराखें र सहयोगको प्रतिक्षा गर्न थालें ।”

संयोगले उनका श्रीमान कृष्णामुर्ती नजिकै काम गर्ने रैछन् । फोन आउने बित्तिकै उनी आएर श्रीमतीलाई अस्पताल लिएर गएका थिए जहाँ सुनितालाई ५२ वटा सर्जिकल टाँका लगाउनु पर्यो ।

जमीनमा तार झुण्डिएको कारण घटना घटेको सम्बन्धमा स्थानीय प्रहरीले सम्बन्धित टेलीकम कम्पनीका विरुद्ध मुद्दा दायर गरेका छन् ।

प्रतिक्रिया दिनुहोस !
सम्बन्धित खबरहरु

काठमाडौँ, १९ पुस :  काठमाडौँ महानगरपालिकाको पुरानो बसपार्कमा निर्माणाधीन काठमाडौँ भ्यूटावर अर्काे वर्ष सञ्चालनमा आउने भएको छ । जलेश्वर स्वच्छन्द

एजेन्सी न्युयोर्क, १९ पुस अमेरिकी अन्तरिक्ष निकाय नासाले भर्खरै नयाँ कक्ष सुरु गर्दा सूर्यको अनौठो र सुन्दर तस्बिर सेयर गरेको

एजेन्सी सेनेगल, १९ पुस सेनेगलका दुई विपक्षी सांसदलाई बजेटको बहसका क्रममा गर्भवती सांसदलाई  पेटमा लात हानेको अभियोगमा ६ महिनाको जेल

कैलालीको भजनीका करन विकका छोरा कक्षा ९ मा पढ्नुहुन्छ । उहाँका छोरा आजभोलि किताबभन्दा बढी समय मोबाइलमा भुल्न थालेपछि करनलाई