Lifestyle Portal
  •   १७ श्रावण २०७९, मंगलवार

सांसद प्रदीप यादवलाई कोरोनाभाइरस संक्रमण, समूदाय स्तरमा फैलिएको संक्रमण नियन्त्रण गर्न अपिल

१७ श्रावण २०७७, शनिबार ०९:०३

वीरगञ्ज, १७ साउन २०७७ । समाजवादी पार्टी नेपालको तर्फबाट पर्सा क्षेत्र नं. १ का प्रतिनिधि सभा सदस्य (संघीय सांसद) प्रदीप यादव कोरोनाभाइरसको संक्रमण पुष्टि भएको छ । वीरगञ्जमा कोरोना संक्रमण समूदाय स्तरमा पुगेपछि, अवस्थालाई नियन्त्रणमा लिन रचनात्मक पहल गराउनु संघीय सरकार प्रमुख सम्मानिय प्रधानमन्त्रीज्यू समक्ष हार्दिक अनुरोध सहितको फेसबुक स्ट्याटस पोष्ट गरेका छन् ।

आदरणीय दाजुभाइ दिदिबहिनी !

आज मात्र सम्मानीय प्रधानमन्त्रीज्युलाई मैले पत्रका प्रेषित गर्दै, बीरगन्जमा बढ्दो कोरोना संक्रमणको अवस्थाका बारेमा अवगत गराउनुका साथै मैले बीरगन्ज क्षेत्रमा ५ सय सैयाको अस्पताल, बिज्ञ टोलि पठाउने, समुदायमा जाचको दायरा बढाउनका लागि साधन र जनशक्ति उपलब्ध गराउन र सीमामा आवतजावत रोक्न लागायत माग राखेको छु । उताबाट सकारात्मक संकेत पनि प्राप्त भएको छ । माननीय स्वास्थ्य मन्त्रीज्युसंग पनि सम्वाद गरेको छु ।

यसै क्रममा मैले आफ्नो PCR जाँच गराउदा कोरोना पोजेटिभ देखिएको जानकारी गराउन चाहन्छु । मेरो स्वास्थ्यमा कुनै समस्या भने देखिएको छैन । अफुलाइ आइसुलेट गरेर अहिले आराममा छु । आ आफ्नो घरभित्र आत्मअनिसाशन कायम गर्दै सुरक्षीत रुपमा बस्न, घरबाट अति आवश्यक रूपमा निस्किनु परेमा बिना मस्क लगाइ न निस्किन र समाजिक दुरी कायम राख्न सबैमा यतिबेला बडा गम्भीरतापुर्वक म आग्रह गर्न चाहन्छु । कोरोनामुक्त भएर मेरो प्राणभन्दा प्यारो जनाताको सेवामा चाडैं फर्किने छु ।


हिजैमात्र प्रधानमन्त्रीको नाममा “कोरोनाको कारण बढ्दो स्वास्थ्य समाधान” सन्दर्भमा पत्र लेखेका युवा नेता प्रदिप यादवले मध्यरात १२ बजे फेसबुकबाट आफूमा पनि संक्रमण देखिएको पुष्टि गरेका थिए ।

पत्रमा के लेखेका थिए सांसद यादवले?

सम्मानीय प्रधानमन्त्रीज्यु
प्रधानमन्त्री तथा मन्त्रिपरिषदको कार्यालय
सिंहदरबार काठमाडौं

विषय : कोरोनाको कारण बढ्दो स्वास्थ्य संकट समाधान सम्बन्धमा ।

सम्मानीय प्रधानमन्त्रीज्यू,
साउन महिना सुरु भएदेखि वीरगञ्ज क्षेत्रमा कोरोना संक्रमणको अवस्था दिनप्रतिदिन बिकराल बन्दै गएको छ। केही साताअघि यहाँ सक्रिय कोरोना संक्रमितको संख्या शन्य बन्न लागेको थियो । यसैविच सरकारले लकडाउन अन्त्यको घोषणा गरेपछि साचिक्कै कोरोना जितिएकैजस्तो हामी सबैलाई लागेको थियो । तर, सोंचेको जस्तो भएन २ हप्ता नबित्दै वीरगञ्ज क्षेत्रको अवस्था बिकराल बन्न लागेको छ । यसविचमा अहिलेसम्म १० जनाको यहाँ मृत्यु भइसकेको छ । यसमध्ये तीन जना बिहीवार राति मात्र ज्यान गुमाएका हुन ।

संक्रमितहरुमा लक्षणसहितका विरामीको संख्या धेरै भएकोले उनीहरुको लागि भेंटिलेटर र अक्सिजनको अभाव भएको छ। त्यतै अस्पतालमा सैया अभाब भएर संक्रमितहरु घरमै बस्न बाध्य भएका छन् । संक्रमण भारी संख्यामा दिनप्रतिदिन थपिदै गएको छ । समुदायस्तरमा मानिसहरुको स्यावब नमुना संकलन गरेर परिक्षण गर्ने दायरा बढाइएपछि ‘नयाँ निस्किने संक्रमितहरुको व्यवस्थापन कसरी गर्ने ?,’ भन्ने सवाल सिर्जना भएको छ । वीरगञ्जमा कोरोनाका संक्रमितको संख्या बढ्दै गएको र यहाँको एक मात्र ५० सैयाको नारायणी अस्थायि कोभिड अस्पतालमा ठाउँ भरिएर थप संख्यामा संक्रमित थप्ने अब ठाउँ छैन । वीरगञ्जमा चिकित्सा क्षेत्रबाट ३० भन्दा बढी संक्रमित भएका कारण यहाँका डाक्टर र स्वास्थ्यकर्मीहरुको मनोवलम गिरावट आएको छ।

वीरगञ्जको अर्को एउटा एक सय सैयाको निजी अस्पताललाई कोरोना अस्पताल बनाउने प्रक्रिया सुरु भए पनि त्यसले पनि समस्या समाधान नहने देखिन्छ । किनकी यि दई अस्पताल गरेर हामीसंग यहाँ डेढ सय सैया मात्र हुने भएको छ । जबकी अहिले नै एक्टिभ संक्रमितको संख्या सावा २ सयभन्दा नाघि सकेको छ । र, थपिने क्रम जारी छ । वीरगञ्ज कारागारभित्र संक्रमण फैलिसकेको सूचना प्राप्त भएको छ । अवस्था काबु भन्दा बाहिर गएको छ । सम्मानीय प्रधानमन्त्रीज्युबाट यसमा सक्रिय पहल नभएसम्म अवस्था झन झन काभन्दा बाहिर निस्किदै जाने देखिन्छ । समाधानस्वरुरप निम्न कुराहरु यहाँ अबिलम्ब आवश्यक रहेको भन्दै सम्मानीय प्रधानमन्त्रीज्युको धानकर्ष गराउन चाहन्छ ।

निम्नः
– पर्सा, बारा र रौतहटसम्मका विरामीहरुको चाप रहेको वीरगञ्जमा अबिलम्ब कम्तिमा ५ सय सैयाको अर्को कोभिड अस्पताल तयार गरियोस । यसको लागि नेशनल मेडिकल कलेज सबभन्दा उपयुक्त हुने देखिन्छ ।
– वीरगञ्जमा केन्द्रबाट विज्ञसहितको टोली पठाएर स्थितीलाई नियन्त्रण गर्न जरुरी छ ।
– भारतमा उच्च संक्रमण दर रहेको बिहार प्रान्तसंग जोडिएको सिमामा आवतजावतमा कडाई गर्दै अनियन्त्रित प्रवेशलाई शुन्य पान आवश्यक छ ।
– वीरगञ्जसहित पर्सा जिल्लामा समूदायस्तरमा कोरोनाको ‘टेस्टिङ्ग बढाउन पर्याप्त साधनस्रोत र स्वास्थ्यकर्मी लगायत जनशक्तिको व्यवस्था गरी परिचालित गरियोस ।

पत्रको वास्तविक प्रति

प्रतिक्रिया दिनुहोस !
सम्बन्धित खबरहरु

बलिउड सिनेमाका ५ तारे समिक्षक तरन आदर्शले आफ्नो आधिकारीक फेसबुक अकाउन्टबाट यहि साता एउटा पोष्ट सार्वजनिक गरे जुन पोष्टमा नवपुस्ताका

हाम्रा बजारहरूमा पच्चीस पैसा, पचास पैसा, एक रुपियाँका सिक्का देखिन छाडेको वर्षौं भयो। यसैगरी एक र दुईका कागजी नोट बजारमा

भारत सरकारको अनुदान सहयोगमा तनहुँ जिल्लाको घिरिङ गाँउपालिकामा अवस्थित श्री दिपक माध्यमिक विद्यालयको नवनिर्मित भवनको उद्घाटन भएको छ । भारतीय

भारत सरकारको अनुदान सहयोगमा सिन्धुली जिल्लाको कमलामाई नगरपालिका–६ मा अवस्थित सिन्धुली सामुदायिक टेक्निकल इन्स्टिच्यूटको नवनिर्मित शैक्षिक भवनको उद्घाटन सम्पन्न भएको