मकवानपुर, १८ साउन । कर्तव्य ज्यान मुद्दाका फरार कैदी सुनसरी रामधुनी नगरपालिका-७ बस्ने २५ वर्षीय कुलदिपराज धामीलाई शुक्रबार प्रहरीले पक्राउ गरेको छ ।
२१ वर्षीय रोजिन गुरूङलाई २०७१ पुस २२ गते भरतपुर ४ बेलचोकमा दाउराले हानेर मारेको अपराधमा २० वर्ष कैद सजाय तोकी कारागार कार्यालय भिमफेदीमा कैद भुक्तान गरिरहेको अवस्थामा २०७६ कात्तिक ३० गते कारागारको पर्खाल हामफालेर फरार भएका थिए ।

उक्त घटनामा संलग्न अर्का आरोपी रोजन खत्रीलाई भने ६ महिना कैद सजाय तोकिएको थियो ।

फरार धामी कञ्चनपुरबाट चितवनतर्फ आउँदै गरेको भन्ने विशेष सूचनाको आधारमा जिल्ला प्रहरी कार्यालय मकवानपुरबाट खटिएको प्रहरीले नवलपरासी(बर्दघाट सुस्ता पूर्व) देवचुली नगरपालिका-१६ रजहरस्थित पुल छेउबाट उनलाई पक्राउ गरेको हो ।