काठमाण्डौ, १८ साउन २०७७ | सुयोग ढकाल । २ अगष्ट १९८२ को दिन बलिउडका महानायक अमिताभ बच्चनको पुनर्जन्मको रुपमा सम्झना गर्ने गरिन्छ । चलचित्र कुलीको सुटिङका क्रममा कलाकार पुनित इस्सरको मुक्काले सिकिस्त बनेका अमिताभ कोमाबाट २ अगष्ट १९८२ कै दिन आँखा खोलेका थिए । उनको जीवनको संयोग नै हुनुपर्छ नोभल कोरोनाभाइरस (COVID-19) को संक्रमणलाई जीतेर झण्डै २२ दिनको अस्पताल बसाइपछि उनी स्वस्थ भएर आज २ अगष्ट २०२० का दिन घर फर्किएका छन् ।

बलिउडका महानायक अमिताभ बच्चन स्वस्थ्य भई घर फर्किएको जानकारी उनका सुपुत्र अभिषेक बच्चनले ट्वीटमार्फत पुष्टि गरेका थिए । ट्वीटमा लेखिएको छः ‘अन्तत मेरो पिताको कोभिड-१९ टेस्ट नेगेटिभ आएको छ तथा वहाँ अस्पतालबाट डिस्चार्ज हुँदै हुनुहुन्छ । अब वहाँ घरमैं रही आराम गर्नुहुनेछ । सबैको प्रार्थना तथा शुभकामनाका लागि आभारी छु ।”

?? my father, thankfully, has tested negative on his latest Covid-19 test and has been discharged from the hospital. He will now be at home and rest. Thank you all for all your prayers and wishes for him. ??

— Abhishek Bachchan (@juniorbachchan) August 2, 2020

छोरा अभिषेकको ट्वीटपछि स्वयंम अमिताभ बच्चनले समेत आफ्ना फ्यान तथा शुभचिन्तकहरुलाई आफ्नो खुशी शेयर गरेका छन् । अमिताभ बच्चनले ट्वीटमा लेखेका छन्, “म कोरोना निगेटिव भएको छु । अस्पतालबाट बिदा पाएको छु र अहिले घरमैं क्वारेन्टिनमा छुँ । भगवानको कृपा रह्यो तथा आमा-बुवाको आशीर्वाद, आफन्त तथा फ्यानको प्रार्थना पनि रह्यो । नानवटी अस्पतालको नर्सिङ सुविधा अत्यधिक राम्रो थियो तथा सबैले मेरो राम्रो हेरबिचार गरे । वहाँहरुकै कारण मैले आज यो दिन देख्न पाएको हुँ ।

T 3613 – I have tested CoVid- have been discharged. I am back home in solitary quarantine.
Grace of the Almighty, blessings of Ma Babuji, prayers & duas of near & dear & friends fans EF .. and the excellent care and nursing at Nanavati made it possible for me to see this day . pic.twitter.com/76jWbN5hvM

— Amitabh Bachchan (@SrBachchan) August 2, 2020

अमिताभ बच्चनको यो ट्वीट सामाजिक सञ्जालमा भाइरल भएको छ र त्यस पोष्टमा कमेन्ट गर्दै दीर्घायू तथा सु-स्वास्थ्यको कामना गर्दै उनको हिम्मतको समेत तारिफ गरिरहेका छन् ।

अमिताभ अघि बुहारी एश्वर्या राय बच्चन तथा नातिनी आराध्या पनि संक्रमणलाई जितेर घर फर्किसकेका थिए भने छोरा अभिषेको ताजा रिपोर्ट पनि पोजेटिभ देखिएकोले उनी अझै केहिदिन अस्पतालमैं बस्नेछन् ।

के भएको थियो चलचित्र कुलीमा सुटिङका क्रममा अमिताम चोटिल भएपछि?

२ अगष्ट १९८२, मुम्बईको ब्रीचक्याण्डी अस्पताल । अमिताभ बच्चन लगभग मृत्युको मुखमा पुगीसकेका थिए । सुटिङस्थल बैंगलूरुबाट मुम्बई पुर्र्याउञ्जेल अमिताभ बच्चनको पेटमा लगाइएको सर्जिकल टाँका खुली सकेको थियो जसका कारण उनको स्वास्थ्य अत्यन्तै जटिल बन्न पुगेको थियो । ब्रीचक्याण्डी अस्पतालमा डाक्टरले अमिताभ बच्चनको पुनः शल्यक्रिया गरेका थिए र त्यो शल्यक्रिया झण्डै ८ घण्टा लामो थियो ।

उनका शुभचिन्तकहरुको ब्यापक उपस्थितिका कारण शल्यक्रियाको दिन ब्रीचक्याण्डी अस्पताल क्षेत्र रेल्वेस्टेशन झै देखिन्थ्यो । अस्पतालको दोश्रो तल्लामा बनेको आइसीयूमा अमिताभलाई लगियो जहाँ लाइफ सपोर्ट सिस्टममा उनी जोडिएको भएपनि डाक्टरहरुले लगभग उनको जीवनको आशा मारीसकेका थिए । जया बच्चन आईसीयूको बाहिर उभिएकी थिइन् । डाक्टरहरु अभिताभको स्वास्थ्य जटिलताबाट निराश भएर बाहिर निस्किन थालेका थिए त्यही क्षण जयाले अमिताभको खुट्टा हल्लिएको चाल पाइन ।

जयाले कराउँदै डाक्टरहरुसँग भनिन्, “मैले वहाँको खुट्टा हल्लिएको देखें, तपाईं एकपटक पुनः चेक गर्नुहोस् ।” यसपछि अमिताभ बच्चनलाई एउटा इञ्जेक्शन लगाइयो र त्यही इञ्जेक्शन नै अमिताभको साँस फर्काउन सहयोगी बन्यो । विस्तारै उनको स्वास्थ्यमा सुधार हुँदैगयो र उनी २४ सेप्टेम्बर १९८२ का दिन अस्पतालबाट बिदा भएका थिए ।

अमिताभ बच्चनको सु-स्वास्थयको लागि प्रार्थना गर्नेहरुको लागव यस्तो थियो की त्यसबेलाका मुख्य पत्रिकाहरुमा उनको जीवनरक्षाको लागि प्रार्थना गर्नुस् भन्ने आशयका विज्ञापनसम्म पनि छापिएका थिए । चौबीसौं घण्टा ब्रीचक्याण्डी अस्पताल बाहिर हजारौं प्रशंसकहरुको भीड रहि रहन्थ्यो ।

त्यसबेला भारतभरी उनका लागि प्रार्थनाको क्रम जारी थियो । जया बच्चन आफै पनि जब खाली खुट्टा अमिताभको जीवनरक्षाका लागि प्रार्थना गर्न मुम्बईको प्रशिद्ध सिद्धि विनायक मन्दिर जान्थिन्, त्यहाँ अमिताभको स्वास्थ्यकामना गर्दै प्रार्थना गर्नेहरुको ताँती देखेर छक्क परेकी थिइन् ।