Lifestyle Portal
  •   २४ श्रावण २०७९, मंगलवार

श्रीकृष्ण, बालगोपाल, चक्रधारी अथवा विराट स्वरूप? घरमा कता राख्ने भगवान श्रीकृष्णको तस्वीर

२६ श्रावण २०७७, सोमबार २२:२९

कृष्ण जन्माष्टमी विशेष – वास्तुज्ञान

घरमा वास्तु ऊर्जा तथा संस्कारलाई बढावा दिन भगवान श्रीकृष्णको स्वरुप अतुलनीय छ । श्रीकृष्ण जन्माष्टमीलाई ध्यानमा राख्दै ज्योतिष पण्डित नारायणप्रसाद दुलालमार्फत् जान्नुहोस् सुख-समृद्धि तथा लक्ष्यलाई पुरा गर्नका लागि भगवान श्रीकृष्णको कुन तस्वीर घरको कुन स्थानमा लगाउनुपर्दछ ।

वास्तु अनुसार, घरमा भगवानको तस्वीरहरु राख्नु शुभ मानिन्छ । भगवानको विभिन्न तस्वीरहरुको महत्व पनि फरक फरक छ । भगवान श्रीकृष्णको विभिन्न रुप प्रेरणादायक र अर्थपूर्ण छन् । उनको हरेक लीला अनुकरणीय तथा अनुपमेय छ । घरमा वास्तु उर्जा तथा संस्कारलाई बढाउनका लागि भगवान श्रीकृष्णको स्वरुप अतुलनीय छ । श्रीकृष्ण जन्माष्टमी (Sri Krishna Janmasthami) को मौकामा ज्योतिष पण्डित नारायणप्रसाद दुलालमार्फत जान्नुहोस् सुख-समृद्धि तथा लक्ष्यलाई प्राप्त गर्नका लागि भगवान श्रीकृष्णको कुन तस्वीर घरको कुन स्थानमा राख्नुपर्छ त?

ज्योतिष पण्डित नारायणप्रसाद दुलाल
स्नातकोत्तरः नेपाल संस्कृत विश्वविद्यालय
तथा त्रिभूवन विश्व विद्यालय

घरको उत्तर-पूर्व दिशातर्फ अर्थात् इशान कोणमा मख्खनचोर, लड्डूगोपालको तस्वीरले सहजता तथा प्रेम भर्दछ । मानवको मनमा आस्था जागृत गर्दछ । घरमा १२ वर्षसम्मका बच्चाहरु यदि छन् भने कृष्णको बाल अवतारका तस्वीर अवस्य राख्नुहोस् । यसले स्मृती तथा बुद्धिमतालाई बढाउने कार्य गर्नेछ । पूर्वमा भगवान श्रीकृष्णको गोपाल रुपको तस्वीर राख्नुहोस् । यसले धनधान्य तथा कर्म प्रदान गर्नेछ । यो इश्वर भक्ति तथा आस्थाको साथ प्रकृतिसँगको सामिप्यताको प्रतिक हो । घरमा लक्ष्मीको वास हुनेछ ।

दक्षिण-पूर्व दिशामा भगवान श्रीकृष्णको विराट स्वरूपको तस्वीर लगाउनुहोस् । यो उर्जाको सूचक हो । समस्त ब्रह्माण्डलाई स्वयंमभित्र समाहित गरी असीम उर्जाको प्रतिक बनेका भगवान श्रीकृष्ण समस्त संसारको भोक्ता हुन । यो दिशा भान्साको लागि उपयुक्त हुन्छ । दक्षिण दिशामा गोवर्धन पर्वत उठाएका अथवा विराट स्वरुपका श्रीकृष्णको तस्वीर राख्नुहोस् । यो संरक्षणको प्रतीक हो । यसो गर्दा घरमा सबै सुरक्षित तथा सहज अनुभव गराउने छ । आकस्मिक समस्याहरुको आशंका कम हुने छ तथा त्यस्ता समस्याहरुको सामना गर्ने उपाय निस्किने छ ।

दक्षिण-पश्चिम दिशामा भगवान श्रीकृष्णको सुदर्शन चक्रधारी स्वरूपको प्रतिमा अथवा तस्वीर राख्नुहोस् । यस रूपले हामीलाई खराब तत्वहरुबाट टाढा राख्नेछ । तामसिक शक्तिहरुबाट बचाउने छ । यस दिशालाई राहु को दिशा मानिन्छ । भगवान श्रीकृष्णले मोहिनी रुप धारण गरी देवताहरुलाई अमृतपान गराएका थिए । राहुले धोखा दिएर अमृत पिउँदा भगवान श्रीकृष्णले सुदर्शन चक्रले राहुको शिर शरिरबाट अगल गरेका थिए ।

पश्चिम दिशामा भगवान द्वारकाधीशको तस्वीर राख्नाले धन सम्पदाको वैभवको आगमन हुन्छ । सबैको सहयोग प्राप्त हुन्छ । घरमा आनन्दको सञ्चार हुन्छ । ठूलाबडाप्रति आदरभावको वातावरण तयार हुन्छ ।

उत्तर-पश्चिम दिशामा राधा-कृष्ण तथा रासलीलाको तस्वीर राख्नुहोस् । हेर्दै आनन्द लाग्ने यो रुपले समस्त चिन्ताहरुको निदान गर्नेछ । कोमल भावनाहरु बढाउने छ. विवाहयोग्यहरुलाई सुन्दर प्रस्तावहरु प्राप्त हुनेछन् । जीवनबाट नीरसताको नाश हुनेछ । यो दिशा चन्द्रमाको दिशा हो । भगवान श्रीकृष्णको यस रुपले जीवनमा रस तथा पवित्रता भर्ने कार्य गर्नेछ ।

उत्तर दिशामा महाभारत युद्धका गाथामा केन्द्रित भगवान श्रीकृष्णका सारथी तथा श्रीमद्भाग्वत गीताको उपदेश समेटिएको तस्वीर स्थापित गर्नुहोस् । ज्ञानको लागि यो दिशा बुध ग्रह तथा भगवान गणेशको प्रतीक हो । जसको पूर्ण अर्थहो, “ज्ञान-विवेकबाट नै हामीले जीवनमा हरेक युद्धमाथी जित हासिल गर्न सक्छौं, अस्त्रको सहयोग बिना नै शत्रुको संहार सम्भव छ । श्रेष्ठ बिचारबाट मात्र नयाँ जीवनको कल्पना गर्न सकिन्छ ।”

श्रीकृष्ण जन्माष्टमीको शुभकामना !!

प्रतिक्रिया दिनुहोस !
सम्बन्धित खबरहरु

पर्वको बहानामा अराजकता फैलाएको भन्दै ‘विश्व हिन्दू परिषद् नेपाल’द्वारा जिल्ला प्रशासन कार्यालय पर्साका प्रमुख जिल्ला अधिकारीलाई ध्यानाकर्षण गराएको छ ।

बलिउड सिनेमाका ५ तारे समिक्षक तरन आदर्शले आफ्नो आधिकारीक फेसबुक अकाउन्टबाट यहि साता एउटा पोष्ट सार्वजनिक गरे जुन पोष्टमा नवपुस्ताका

हाम्रा बजारहरूमा पच्चीस पैसा, पचास पैसा, एक रुपियाँका सिक्का देखिन छाडेको वर्षौं भयो। यसैगरी एक र दुईका कागजी नोट बजारमा

भारत सरकारको अनुदान सहयोगमा तनहुँ जिल्लाको घिरिङ गाँउपालिकामा अवस्थित श्री दिपक माध्यमिक विद्यालयको नवनिर्मित भवनको उद्घाटन भएको छ । भारतीय