‘क्यान्सर’ दत्त परिवारको पुरानो पीडा : क्यान्सर कै कारण आमा नरगिस तथा श्रीमती गुमाएका थिए सञ्जयले


मुम्बई, २८ साउन, २०७७ । छातीमा पीडा तथा स्वासप्रस्वासमा कठिनाई महशुस भएपछि ४ दिनअघि मुम्बइस्थित लिलावती अस्पतालमा भर्नाभएका बलिउडका ‘खलनायक’ सञ्जय दत्तको कोरोनाभाइरस (COVID-19) परिक्षण गरिएको थियो, मेडिकल रिपोर्ट नेगेटिभ भेटिएपछि दोश्रोदिन घर फर्किएका उनको सम्बन्धमा मङ्गलबार भने एउटा खराब समाचार आयो । प्राप्त जानकारी अनुसार सञ्जयदत्तलाई तेश्रो चरणको फोक्सोको क्यान्सर (अबुर्द रोग) लागेको छ । बलिउड स्रोतका अनुसार सञ्जय दत्त उपचारका लागि अमेरिका जादैछन्, जहाँ उनको उपचारको प्रक्रिया प्रारम्भ हुनेछ ।

हुन त अस्पतालबाट फर्किए लगत्तै उनले आफ्नो स्वास्थ्य अझै राम्रो नरहेको जानकारी गराएका थिए । उनले भनेका थिए, “म पूर्णतः स्वस्थ छैन, मलाई थप स्वास्थ्योपचारको आवश्यक्ता छ ।” त्यस पश्चात पनि उनले सामाजिक सञ्जाल इन्स्टाग्राममा लेखेका थिए, “म केही समयका लागि ब्रेक लिंदै छु । मेरा साथीहरु तथा परिवारका सदस्य मेरो साथ छन् र म चाहन्छु की मेलाई माया गर्नेहरुले अनावश्यक तनाव नलिनु । तपाइँहरुको माया तथा आशिषका साथ म चाँडै नै फर्किने छु ।”

 

View this post on Instagram

 

🙏🏻

A post shared by Sanjay Dutt (@duttsanjay) on

इन्स्टाग्राम मार्फत सार्वजनिक उनको पोष्टले उनको स्वास्थ्य स्थितिको बयान गर्छ जसका कारण उनलाई मनपराउने लाखौं फ्यानहरु उनमा देखिएको क्यान्सरको खबरले निराश भएका हुन सक्छन् । यसैबिच सञ्जयकी श्रीमती मान्यता दत्तले भनेकी छिन्, “उनी एउटा फाइटर हुन र यसलाई पनि उनले परास्त गर्नेछन् ।”

तर के तपाईंलाई थाहा छ सञ्जय दत्तको परिवारमा क्यान्सरले दिएको पीडाको इतिहास?
क्यान्सर कै कारण सञ्जय दत्तले आफ्नो जीवनको २ महत्वपूर्ण व्यक्तिहरुलाई वर्षौंअघि गुमाई सकेका छन् । हजूर, हामी यहाँ कुरा गरीरहेका छौं ८० को दशक की महान बलिउड कलाकार तथा सञ्जय दत्तकी आमा नरगिस तथा उनीको प्रथम जीवनसङ्गीनी ऋृचा शर्माको । दुवैको मृत्यु क्यान्सर कै कारण भएको थियो । दुवैले क्यान्सरसँगको लडाइमा बहादुरीका साथ संघर्ष गरेका थिए तर त्यो संघर्षले दुवैको जीवन बचाउन सकेन ।

सञ्जय दत्तसँग ऋृचा शर्मासँग सन् १९८७ मा भएको थियो । दुवैको तर्फबाट सन् १९८८ मा छोरी त्रिशालाको जन्म भएको थियो । दुवैको जीवनमा एउटा यस्तो घटना दोहोरियो जसले सञ्जय दत्त लामो समय एकखालको तनाबयुक्त समयबाट गुज्रिएका थिए । आमा नरगिसको क्यान्सर जीवन र पीडा देखेका सञ्जयले पत्नी ऋृचालाई पनि क्यान्सर भएको थाहा पाए । सन् १९९६ मा क्यान्सर कै कारण ऋृचा शर्माको मृत्यु भएको थियो ।

नरगिस दत्त बलिउडको महान कलाकारको पङ्क्तीमा अग्रणी छिन । सञ्जय दत्त उनलाई सार्ह्रै प्यारा थिए । सञ्जय दत्त पनि आमा भनेपछि हुरुक्कै हुन्थे । आज पनि आमाको सम्झनामा सञ्जय भक्कानिन थाल्छन् । सन् १९८१ मा प्यानक्रियाटिक क्यान्सरका कारण नरगिसको मृत्यु भएको थियो । क्यान्सरले उजाडेको आमाको काख सञ्जय दत्तका लागि कुनै ट्रमा भन्दा कम थिएन् । उनी सम्पूर्ण रुपले हारी सकेका थिए र चौबिसौं घण्टा नशामा धूत रहन थालेका थिए ।

स्मरणीय रहोस्, नरगिसको मृत्यु सञ्जय दत्तको पहिलो बलिउड सिनेमा Rocky – रक्की रिलिज हुने ३ दिन अघि  भएको थियो । नरगिस छोरोको पहिलो चलचित्रलाई लिएर निक्कै उत्साहित थिइन् । उनको ठूलो चाहना थियो छोरोको पहिलो सिनेमाको प्रिमियर हेर्न सकूँ, र त्यो चाहना कहिल्यै पुरा हुन सकेन ।

‘रक्की’को प्रिमियर गरिएको सिनेमा घरमा नरगिसको सम्मान तथा सम्झनामा एक सीट खाली छोडिएको थियो ।


Loading comments...