विश्व क्रिकेटमा ‘क्याप्टेन कूल’नामले परिचित धोनीले गरे अन्तर्राष्ट्रिय क्रिकेटलाई अलविदा, सुरेश रैनाले पनि लिए सन्यास
हाइलाइट्स:
- भारतीय क्रिकेटका पूर्व कप्तान महेन्द्र सिंह धोनीले अन्तर्राष्ट्रिय क्रिकेटबाट सन्यास लिएका छन्
- धोनीले इन्स्टाग्राममा पोस्ट गर्दै सन्यास लिएको घोषणा गरेका हुन्
- धोनीले गरेको घोषणाको केही बेरमैं अर्का स्टार अलराउण्डर सुरेश रैनाले समेत सन्यासको घोषणा गरेका छन्
- धोनी आईपीएल (IPL) म्याच भने खेलिरहनेछन्
कप्तान कूल उपनामले परिचित महेन्द्र सिंह धोनीले शनिबार स्वतन्त्रता दिवसको अवसरमा क्रिकेटबाट संन्यास लिएको घोषणा गरेका छन् । धोनीको लगत्तै सुरेश रैनाले पनि क्रिकेटलाई बिदाइ गरेका छन् । धोनीले सन्यास लिएको खबर सुनेपछि विश्वभरीबाट शुभचिन्तकहरुको मिश्रित प्रतिक्रिया आइरहेका छन् । धोनीका फ्यानहरू र किक्रेट दिग्गजहरूले सामाजिक सञ्जालमा प्रतिक्रियाको बाढी ल्याएका छन् ।
धोनीले इन्स्टाग्राममा पोस्ट गर्दै अन्तर्राष्ट्रिय क्रिकेटबाट सन्यास लिएको घोषणा गरेका हुन् । धोनीले आफ्नो इन्स्टाग्राम पोष्टमा लेखेका छन्, ‘प्रेम र समर्थनका लागि तपाई सबैलाई धेरै धन्यवाद! आज साँझ ७ बजेर २९ मिनेट (भारतीय समयानुसार) पछि, म अवकाशप्राप्त मानिनुपर्छ । यस पोष्टमैं, धोनीले एक भिडियो पनि साझा गरेका छन् ।
पूर्व भारतीय कप्तान एमएस धोनीले सन्यास लिएको लगत्तै केही बेरमैं अर्का भारतीय अलराउण्ड क्रिकेटर सुरेश रैनाले पनि अन्तर्राष्ट्रिय क्रिकेटबाट सन्यासको लिने घोषणा गरेका छन् ।
सचिन तेन्दुलकरले बधाई दिए
मास्टर ब्लास्टर सचिन तेन्दुलकरले ट्विटरमार्फत धोनीलाई बधाई दिएका छन् । उनले ट्वीट गर्दै लेखेका छन्, “भारतीय क्रिकेटमा तपाईको योगदान प्रशंसनीय छ । २०११ को विश्वकप सँगै जित्नु मेरो जीवनको सबैभन्दा उत्तम पल थियो । तपाईंलाई दोस्रो पारीको लागि र तपाईंको परिवारलाई हार्दिक शुभकामना !
Your contribution to Indian cricket has been immense, @msdhoni. Winning the 2011 World Cup together has been the best moment of my life. Wishing you and your family all the very best for your 2nd innings. pic.twitter.com/5lRYyPFXcp
— Sachin Tendulkar (@sachin_rt) August 15, 2020
“महेन्द्र सिंह धोनीको उत्कृष्ट खेलजीवनको महत्वपूर्ण क्रिकेटिङ पारीहरु” भिडियोमा हेर्नुहोस्
सुरेश रैनाको यो खेल हेर्नुहोस्
