Lifestyle Portal
  •   ३ भाद्र २०७९, शुक्रबार

थाइल्याण्डका राजाबिरोधी युवाहरुको ‘फेसबुक ग्रुप’लाई राज्यले हटायो

१६ भाद्र २०७७, मंगलवार ०९:१६

भारत, १६ भाद्र, २०७७ । थाइल्याण्डमा राजा भूमिवोलको मृत्यूपछि अहिलेका राजाका विषयमा निकै विवाद अनि बिरोधहरु हुँदै आएका छन् । राजाका प्रेम प्रसङ, विलासी जीवनयापन देखि घरीघरी उनीबारे आउने अन्य विवादास्पद तथ्यहरु एकातिर छन्, अर्कोतर्फ थाइल्याण्डका नागरीकहरुको अविछिन्न राजसंस्थाप्रतिको कथित आस्था पनि छ । यसैक्रममा थाइल्याण्डका राजसंस्था विरोधी नागरिकहरुले १० लाख सदस्य सहितको ‘Royalist Marketplace’ नामको फेसबुक ग्रुप सक्रिय थियो । त्यसै ग्रुप मार्फत् उनीहरु आफ्ना एजेण्डा र योजनाहरु साझा गर्ने गर्दथे । सरकार यस ग्रुपका सञ्चालक र मोडरेटर बिरुद्ध कानुनी प्रक्रियामा जाने बताइएको पनि थियो तर अन्तत थाई सरकारले फेसबुकसँग कुरा गरेर उक्त ग्रुपलाई सफाया गरिदिएको हो ।

सरकारमा रहेका मिलिटरी व्यक्तित्वको नेतृत्वका बिरोधमा राजधानी बैंककमा दैनिकजसो प्रर्दशन हुने र युवा प्रदर्शनकारीहरुले राजसंस्थाको रिफर्मेशनको माग गरेका दैनिक घटनाहरु थाई सरकारले लुकाउन खोज्दा खोज्दै पनि सर्वत्र चर्चामा रह्यो । रोयल मार्केट प्लेस नामको यस ग्रप स्वयम देशवाहिर बसेको थाइ शिक्षणविद्ध पविन चाचाभपोल्गुनले शुरु गरेका थिए, गत सोमवार राती थाई सरकारको डिजीटल इकोनोमी र सोसाइटी मन्त्रालयको अनुरोधमा फेसबुकले उक्त ग्रुपलाई बन्द गरिदिएको सन्देश देखाइयो । पविन जो अहिले जापानमा बस्दछन्, उनका अनुसार फेसबुकले मिलिटरी दस्ताले नेतृत्व गरेको थाई सरकारको दबाब झेल्न सकेन ।

रुइटरस्लाई पविनले आफ्नो ग्रुप प्रजातान्त्रिक प्रक्रियाको स्थापनार्थ थाई संसदका लागि पैरवी गरिरहेको ग्रुप रहेको र थाई युवाहरुको प्रजातान्त्रिक अभिव्यक्तिको साझा डिजीटल थलोको रहेको बताएका हुन् ।

सोमबार यसरी ग्रुप फेसबुकले ब्लक गरेपछि पविनले त्यही नाममा खोलेका अर्का ग्रुपमा मगंलवार सम्ममा नै करिब ५ लाख युवा सदस्यहरु आवद्ध भइसकेका थिए । फेसबुकले पनि अहिले आएर थाइ सरकारको यस अनुरोधलाई अबका दिनमा कानुनी दायरामा लिएर जाने तर आफ्ना प्रयोगकर्ताको अभिव्यक्ति स्वतन्त्रता हनन हुन नदिने घुमाउरो स्पष्टिकरण दिएको छ ।

थाइल्याण्डमा राजा या राजपरिवार विरुद्धमा बोलेका या लेखेका या केहि कदम उठाएका १५ वर्षसम्म कारावासको सजाय तोकिएको छ । यस महिनाको शुरुमा थाइल्याण्डका जिजीटल मन्त्रालयका मन्त्रीले फेसबुकलाई आफ्नो सरकारको अनुरोध नमानिदिएकोमा कडा आलोचना पनि गरेका थिए, अन्तत फेसबुक झुकेर उक्त ग्रुप बन्द गर्न बाध्य त भयो पनि होला तर त्यही नामको अर्को ग्रपका यथेस्ट सदस्यहरु भेला भइसकेका छन् ।

थाइल्याण्डको डिजीटल मन्त्रालयले पविनका विरुद्धमा साइबर क्राइमको मुद्दा फाइल गरिसकेको छ ।

प्रतिक्रिया दिनुहोस !
सम्बन्धित खबरहरु

वन तथा वातावरणमन्त्री प्रदीप यादवले नेपालका सिमेन्ट उधोगीहरुको जायज मागलाई सम्बोधन गर्न आफू सकारात्मक रहेको बताएका छन् । बुधबार वन

भारतीय राजदूतावास, काठमाडौंले यही श्रावण ३० गते भारतको ७६ औं स्वतन्त्रता दिवस मनायो । यो कार्यक्रम भारत स्वतन्त्रताको ७५ वर्षको

राष्ट्रपतिले नागरिकता विधेयक संसद्‌मा फिर्ता पठाउनुभएको छ । नागरिकता विधेयक फिर्ता पठाएपछि अब नागरिकता विधेयक को योजना कस्तो हुन्छ र

काठमाडौं । राष्ट्रिय सभाका अध्यक्ष सम्मननीय गणेश प्रसाद तिमल्सिनाले देशको राजनीतिमा युवाको हस्तक्षेपकारी भुमिका भएमात्र परिवर्तन सम्भव हुने बताउनुभएको छ