Lifestyle Portal
  •   ५ आश्विन २०७८, मंगलवार

सामाजिक दूरी पनि कर्मकाण्ड प्रतिको आस्था पनि : हाम्रो पात्रोबाटै ‘सीदा दान’ गर्न सकिने

१६ भाद्र २०७७, मंगलवार २३:१३

काठमाडौं, १६ भदौ, २०७७ । लोकप्रिय मोबाइल एप्लिकेशन ‘हाम्रो पात्रो’ले सोह्र श्राद्धमा पितृहरुको सम्झनामा ‘सीदा दान’ गर्न सकिने सुविधा ल्याएको छ । कोभिड-१९ को संक्रमण फैलनसक्ने जोखिम र जारी निषेधाज्ञानको समयमा पुण्यकर्म सम्पन्न गर्न सहज होस् भन्ने उद्देश्यले यो सेवा सुरु गरिएको हो ।

कोरोनाको संक्रमण फैलिन नदिन सामाजिक दूरी कायम गर्नुपर्ने अहिलेको अवस्थामा पण्डित/गुरुहरु घरघरमा गएर श्राद्ध तथा सीदा दानको प्रक्रिया सम्पन्न गर्न असहज भएको छ । यस किसिमको संकटपूर्ण घडीमा पितृहरुलाई सम्झिदै कर्मकाण्ड सम्पन्न गर्न सकिने विकल्पको रुपमा ‘हाम्रो पात्रो’ले इन्टरनेटको प्रयोग गरी एपबाटै सीदा दान गर्ने विधि सार्वजनिक गरेको हो ।

के हो सोह्र श्राद्ध? पितृप्रति श्रद्धा र सम्झनाको १६ दिन

प्रत्येक वर्षको आश्विन कृष्ण पक्षदेखि सुरु भएर सोह्र दिनसम्म चल्ने यस सोह्र श्राद्ध यस वर्ष भने असोज महिनाभर अधिकमास परेका कारण भाद्र शुक्ल पूर्णिमा (भाद्र १७ गते) देखि असोज कृष्ण औंसी (असोज १ गते) सम्म हुनेछ । १६ दिनसम्म चल्ने यस विशेष पितृ समर्णको अवधिलाई ‘पितृपक्ष’ पनि भनिन्छ । सनातन हिन्दूहरुले यस अवधिमा कुनै पनि देवी देवताको पूजापाठ नगरी आफ्ना दिवङ्गत पुर्खाहरुको वैकूण्ठ यात्राको तिथी अनुसार सम्झिएर श्रद्धापूर्वक नदी किनार, मन्दिर तथा मठहरुमा गएर अथवा घरमैं गुरु, पण्डितहरुलाई डाँकेर श्राद्ध गर्ने गर्दछन् ।

सार्वजनिक यस सेवाअन्तर्गत हाम्रो पात्रोद्वारा प्रमाणित अनुभवी वैदिक गुरुहरुले घरमै बसी भिडियो कलमार्फत् सीदा दानको प्रक्रिया सम्पन्न गर्न सघाउनेछन् । हाम्रो अनलाइन ज्योतिष सेवाअन्तर्गत प्रविधिको प्रयोग गरी पितृ समर्पण यो यो विशेष कार्य सम्पन्न गर्नसकिनेछ ।

“अहिलेको विषम परिस्थितिमा पितृ स्मरणका लागि विशेष १६ श्राद्धको प्रक्रियाबाट वञ्चित हुनुभन्दा सीदा दान गरी पितृहरुलाई तृप्त गराउनु उपयुक्त हुनेछ” ज्योतिष गुरु नारायणप्रसाद दुलाल बताउनुहुन्छ । “यसो गर्दा कम्तिमा पनि पितृहरुको दोष लाग्ने छैन र पुण्य प्राप्त गर्न सकिनेछ” उहाँ अगाडि भन्नुहुन्छ, “तर यो श्राद्ध, पिण्ड दान र तर्पण भने होइन । सबैका लागि वैदिक गुरुहरु भौतिक रुपमा नै बोलाएर श्राद्ध तथा सीदा दान गर्न सम्भव नभएको अवस्थामा यो सुविधा उपयुक्त हुनसक्छ । यस अघिका समयहरुमा पनि समय नहुने अथवा देशदेखि पर भएकाहरुले मठ मन्दिरमा गएर अथवा नजिकैको गुरु पण्डितहरुभएको स्थानमा गएर पितृहरुको भोजन भाग स्वरुप पँहेलो दाल, चामल, घ्यू, तेल, तरकारी लगायतका अन्य चोखो सामाग्रीहरु भाग लगाएर पितृलाई सम्झेर दान दिने गरिन्छ ।”

ज्योतिष पण्डित/गुरु दुलालका अनुसार नेपाली समयानुसार बिहान ५ बजेदेखि मध्यान्न १ बजेसम्म तथा विदेशमा रहेका धर्मप्रेमीहरुका लागि नेपाली समयानुसार राति ७ देखि १० बजेसम्म यो सेवा उपलब्ध हुनेछ ।

कति छ त शुल्क?
खर्च नियमित पूजापाठ अथवा अन्य महत्वपूर्ण कर्मकाण्डमा लाग्ने खर्च भन्दा अत्यन्तै न्यून छ । हाम्रो पात्रोको यस सीदा दानको सेवा लिए बापत नेपाल भित्रको प्रयोगकर्ताको लागि ने.रु. ५०० (पाँच सय) मात्र राखिएको छ भने अष्ट्रेलिया बस्ने नेपालीले अस्ट्रेलियाबाट यो सेवा उपभोग गरेको खण्डमा अष्ट्रेलियाको १५ डलर तथा अमेरीकाका नेपालीहरुले अमेरिकी डलर ९.९९ मात्र खर्चिए पुग्छ ।

सीदा दानको प्रक्रिया सम्पन्न गर्न कति समय लाग्छ?
कम्तीमा ८-१० मिनेट देखि लिएर बढीमा १५-२० मिनेटमा सम्पन्न हुने यस सीदा दानको प्रक्रिया समय व्यवस्थापनको हिसाबले पनि प्रभावकारी देखिएको छ ।

‘हाम्रो पात्रो’ प्रयोग गरी अनलाइन गुरुहरुमार्फत कसरी गर्ने सीदा दान ?

  • सीदा दान गर्नु अघि त्यसका लागि केही विधिवत तयारी र नियमहरु पुरा गर्नुपर्ने हुन्छ । बिहान नित्य स्नान गरेर जातीय परम्परा अनुसार चोखो भई पानी र एउटा सिक्का पैसा साथमा लिएर आफ्ना पितृहरूलाई स्मरण गर्दै दक्षिणतर्फ फर्किएर बस्नु होस् ।
  • संभव भएसम्म सीदामा चामल, तरकारी, दाल, नुन, बेसार, मसला, चिनी, तिल, मह, घ्यू, दही, फलफूल, नैवेद्य, पानी, तुलसीपत्र आदि जस्ता सामग्री तयार पारेर राख्नुहोस् ।
  • आफ्नो वंशमा दिवंगत बुबा, हजुरबुबा, बुढा हजुरबुबाको सधर्मपत्नी सहितको नामावली तथा मावली तर्फको वंशमा दिवंगत हुनु भएका आमाको बुबा, हजुरबुबा, बुढा हजुर बुबाका सधर्मपत्नी सहितको नामावली र सम्भव भएसम्म अन्य पितृदेवहरूको नामावली समेत तयार पार्नुहोस् ।
  • सीदा दान गर्ने व्यक्तिले सम्भव भएसम्म कालो, निलो, हरियो र रातो बाहेक सात्विक (सेतो वा पहेँलो) वस्त्र लगाउनु उत्तम मानिन्छ ।
  • उल्लेखित नियम पुरा गरिसकेपछि यहाँ क्लिक गरी ‘हाम्रो पात्रो’को वेबसाइट वा एप (एन्ड्रोइका लागि यहाँ क्लिक गर्नुहोस् अनि आईओएसका लागि यहाँ क्लिक गर्नुहोस्) खोल्नुहोस्।
  • हाम्रो पात्रो एपको होम पेजमा भएको ‘सीदा दान’लाई क्लिक गरेर यो सुविधाको लाभ लिन सक्नुहुनेछ ।
    (वेबसाइटमा भने माथि सिरानीमा सीदा दान राखिएको छ साथै एपको बायाँतर्फ माथि सिरानीमा रहेको तीनधर्के लाइन (Menu) भित्र हाम्रो ज्योतिषको ठिक तल अनलाइन गुरु लाई क्लिक गरेर पनि सीदा दानको सुविधासँग जुट्न सक्नुहुनेछ ।)
  • पेज स्क्रोल गर्दै (तलतिर सार्दै) अन्तिममा रहेको ‘गुरुसँग कुरा गर्नुहोस्’ सँगै रहेको वैदिक गुरुहरुसँग सीदा दानको प्रक्रिया सुरु गर्नुहोस् लेखिएको स्थानमा दबाउनुहोस् ।
  • अब त्यहाँ रहेको ‘दक्षिणा बुझाउनुहोस्’ लेखिएको स्थानमा क्लिक गर्नुहोस् । दक्षिणाको रुपमा शूल्क बुझाउनुपर्नेछ ।
  • नेपालभित्र हुनुहुन्छ भने ईसेवा (eSewa), खल्ती (Khalti) तथा कनेक्ट आइपीएस (Connect IPS) मध्ये तपाईंसँग उपलब्ध रहेको विकल्प चयन गरी टिकट किन्नुहोस् । नेपाल बाहिरका लागि भने मास्टरकार्ड (Mastercard), भिजा (Visa), पेपाल (PayPal) आदि माध्यम प्रयोग गरी भुक्तानी गर्न सक्नुहुनेछ
    यति गरिसकेपछि तपाईंले अनलाइनमा रहेका गुरु तथा पण्डितहरुको सूची देख्नुहुनेछ । त्यसमध्ये कुनै एक पण्डितको आइकनमा क्लिक गरी भिडियो कल सुरु गर्नुहोस् ।
  • यसरी भिडियो कल गरी उपलब्ध गुरु तथा पण्डितमार्फत सीदा दानका लागि प्रक्रिया सुरु गर्न सक्नुहुनेछ (यो सुविधा प्रयोग गर्नका लागि कुनै मोबाइल नम्बर अथवा फोन नम्बर चाहिँदैन) तर इन्टरनेट कनेक्सन भने हुन जरुरी छ ।
  • प्रत्यक्ष भिडियो कलमार्फत् गुरुले सीदा दानका लागि विधिवत रुपमा आवश्यक प्रक्रियाहरुबारे जानकारी दिंदै सहजीकरण गर्नुहुनेछ र गुरुले भने अनुसार गर्दै जानुहोस्, त्यसअनुसार तपाईंले सीदा दानको कर्म पुरा गर्न सक्नुहुनेछ ।
  • वर्तमान परिस्थितिमा विश्वको जुनसुकै ठाउँबाट सोह्र श्राद्धमा आफ्ना पितृको तिथिको दिन उहाँहरुको नाममा नेपालका वैदिक गुरुहरुमार्फत सीदा दानको संकल्प पुरा गरी पुण्य आर्जन गर्न सक्नुहुनेछ ।
  • सङ्कल्प गरिएको सीदा आफ्नो गोत्र बाहेकका नजिकैका ब्राह्मण, आश्रम, मन्दीर वा दीन दुःखीहरुलाई श्रद्धापूर्वक अनुकुल समयमा दान दिन सक्नुहुनेछ ।
  • ‘हाम्रो पात्रो’को यो सेवा पूर्ण श्राद्धको प्रक्रिया अनुरुपको भने होइन । यो नितान्त जटिल परिस्थितिहरुमा पितृहरूलाई श्रद्धापूर्वक स्मरण गर्नको लागि पण्डित/गुरुहरुको सहयोगमा सीदा दानको सङ्कल्प गरिने सरल प्रक्रिया मात्र हो ।

वेबसाइटमा बुधबारदेखि उपलब्ध हुने ‘हाम्रो पात्रो’ को यो सेवा एपमा रिलिज हुन भने केही दिन लाग्नेछ । यो सेवा सोह्र श्राद्ध अवधिभर प्रयोग गर्न सकिनेछ ।

घरमैं बसौं, सामाजिक दूरी कायम राख्दै हाम्रो संस्कृति तथा वैदिक सनातन कर्मकाण्ड को विधिवत जिम्मेवारी पनि पूरा गरौं ।

प्रतिक्रिया दिनुहोस !
Loading comments...
सम्बन्धित खबरहरु

काठमाण्डौ । पहिलो खेलमा फिलिपिन्सविरुद्ध हार ब्यहोरेको नेपालले एएफसी महिला एसियन कप–२०२२ छनोटको दोस्रो खेलमा आज (मंगलबार) हङकङविरुद्ध खेल्दैछ ।

काठमाण्डौ । नेकपा (एकीकृत समाजवादी)का अध्यक्ष माधवकुमार नेपालले पार्टी फुटाउन कसैको रहर नभएको बताएका छन् । आज काठमाडौंमा आयोजित एक

काठमाण्डौ । गैरआवासीय नेपाली संघ (एनआरएन) को आगामी १०औं महाधिवेशनको सन्दर्भमा भएको धाँधलीको संस्थापन पक्षले सुनुवाइ नगर्दा बाध्य भएर परराष्ट्र

पोखरा । स्थानीय सरकार सञ्चालन ऐनअनुसार नगरसभाबाट पास भएका निर्णयहरू १५ दिनभित्र प्रमुखले प्रमाणित गर्नुपर्छ । गत १० असारमा पोखराले