लागूऔषध मुद्दाका फरार रहेका चौधरी पक्राउ
२७ भाद्र २०७७, शनिबार २२:५३
पर्सा, २७ भाद्र, २०७७ । लागूऔषध मुद्दाका फरार प्रतिवादी पटेर्वासुगौली गाउँपालिका-४ बस्ने ४० वर्षीय शम्भु चौधरीलाई शुक्रबार प्रहरीले पक्राउ गरेको छ ।
जिल्ला अदालत पर्साको २०५७ माघ १८ गतेको फैसलाले लागूऔषध मुद्दामा ११ महिना १७ दिन कैद र ५ हजार रुपैयाँ जरिवाना ठहर भई फरार रहेका चौधरीलाई ईलाका प्रहरी कार्यालय पटेर्वासुगौली र जिल्ला प्रहरी कार्यालय पर्साबाट खटिएको प्रहरीले उनकै गाउँघरमा लुकि बसिरहेको अवस्थामा फेला पारी पक्राउ गरेको हो । चौधरीलाई आवश्यक कार्वाहीको लागि जिल्ला अदालत पर्सामा पेश गरिने जिल्ला प्रहरी कार्यालय पर्साले जनाएको छ ।
