Lifestyle Portal
  •   २ भाद्र २०७९, बिहीबार

‘ग्राण्डमास्टर’ तुलसी गुरुङलाई ‘प्रबल जनसेवा श्री’

४ आश्विन २०७७, आईतवार ०९:३९

काठमाण्डौ, ४ असोज, २०७७ । प्रवासमा रहेरपनि दशकौंदेखि मातृभूमिको सेवामा समर्पित तुलसी कुमार गुरुङलाई नेपाल सरकारले प्रबल जनसेवा श्री (चतुर्थ)ले विभूषित गरेको छ । पाँचौं संविधान दिवसको अवसरमा राष्ट्रपति विद्यादेवी भण्डारीले उक्त पदकले विभूषित गर्नुभएको हो । पूर्व ब्रिट्रिस गोर्खा सैनिक गुरुङ, हङकङ तेक्वान्दो राष्ट्रिय टोलीको प्रमुख प्रशिक्षक समेत रहिसकेका छन् । तेक्वान्दोका ८ डान (ग्राण्डमास्टर) वहाँ यो स्थान हासिल गर्ने पहिलो नेपाली हुनुहुन्छ । तीन दसकभन्दा बढी समयदेखि निरन्तर सामाजिक सेवामा समेत सकृय उनी वि विल राईज फाउण्डेसनका संस्थापक पनि हुनुहुन्छ । भूकम्पपछि नेपालमा स्थापित यो संस्था विभिन्न समाजसेवासम्बन्धी गतिविधिहरुमा सकृय छ । सरकारको सम्मानले अत्यन्तै खुशी तुल्याएको बताउँदै उनले भविष्यमा अझ उर्जा तथा जिम्मेवारीका साथ देशको सेवामा सकृय रहन हौसला मिलेको बताउनुभयो ।

सन् १९७८ देखि १८ वर्ष सेनामा बिताएका वहाँ फिजिकल ट्रेनर (वारन्ट अफिसर) हुनुहुन्थ्यो । ब्रिट्रिस गोर्खाली सेनामा उक्त पद हासिल गर्ने आफु पहिलो नेपाली भएको समेत गुरुङको दाबी छ । विश्व तेक्वान्दो महासंघका अन्तर्राष्ट्रिय मास्टर प्रशिक्षक र रेफ्री वहाँ सन् १९९३ मा अमेरिकामा आयोजित विश्व तेक्वान्दो च्याम्पिएनसिप र १९९५ थाइलैण्डमा आयोजित इष्ट एसियन गेम्समा अफिसियल रेफ्री पनि हुनुहुन्थ्यो । सेनाबाट अवकाश लिइसकेपछि पनि हाल वहाँ निरन्तर तेक्वान्दोमै सकृय हुनुहुन्छ । सन् २००१ मा गुरुङले ‘हङकङ नेप्लिज् तेक्वान्दो एसोसिएसन’ खडा गर्नुभएको थियो । त्यसयता वहाँको प्रशिक्षकत्वमा तीनहजार बढीले ब्ल्याक बेल्ट लिइसकेका छन् ।

गण्डकी प्रदेश अन्तर्गतको विकट वार्चोक गाउँमा जन्मेका वहाँले सन् १९८४ मा काठमाण्डौमा आयोजित पहिलो दक्षिण एसियाली खेलकुद (साग) मा फ्रि स्टाइल १०० मिटर रिलेतर्फ काँस्य पदक जित्नुभएको थियो । वि.सं. २०३८ मा काठमाडौंमा आयोजित पहिलो राष्ट्रिय खेलकुद प्रतियोगितामा पौडीतर्फ दुई स्वर्ण र एक रजत पदक जित्नुभएको थियो । २०४० मा पोखरामा आयोजित दोस्रो राष्ट्रिय खेलकुद प्रतियोगितामा मार्सल आटर्स तर्फ स्वर्ण पदक सहित उत्कृष्ट फाइटरको उपाधि हासिल गर्नुभएको थियो ।

नेपाल सरकारले संविधान दिवसका अवसरमा ४५३ जनालाई मानपदवी, ११४ जनालाई अलंकार र २७ जनालाई पदकबाट सम्मान गरेको हो ।


‘ग्राण्डमास्टर’ तुलसी कुमार गुरुङबारे अन्य सामाग्री

अप्ठेरोका सारथी ‘तुलसी’ जसले विदेशको कमाई जन्मभूमिलाई अर्पण गरे

प्रतिक्रिया दिनुहोस !
सम्बन्धित खबरहरु

वन तथा वातावरणमन्त्री प्रदीप यादवले नेपालका सिमेन्ट उधोगीहरुको जायज मागलाई सम्बोधन गर्न आफू सकारात्मक रहेको बताएका छन् । बुधबार वन

भारतीय राजदूतावास, काठमाडौंले यही श्रावण ३० गते भारतको ७६ औं स्वतन्त्रता दिवस मनायो । यो कार्यक्रम भारत स्वतन्त्रताको ७५ वर्षको

राष्ट्रपतिले नागरिकता विधेयक संसद्‌मा फिर्ता पठाउनुभएको छ । नागरिकता विधेयक फिर्ता पठाएपछि अब नागरिकता विधेयक को योजना कस्तो हुन्छ र

काठमाडौं । हिमालयन टेलीभिजनका प्रधानसम्पादक पत्रकार राजेन्द्र बानियाँले देशका सञ्चारमाध्यमहरु युवाहरुको आवाज बन्नुपर्ने बताउनु भएको छ । अन्तराष्ट्रिय युवा दिवसको