जसका गीतमा कथा छन्
२३ मंसिर २०७५, आईतवार १२:५०
सुरेन्द्र बजगाईं- हजारौं वर्ष अगाडी घटेका रामायण, महाभारत जस्ता कथा अनि पात्रहरु आजका मिति सम्म पनि हामीले काव्य अनि गीतका माध्यमबाट आउँदो पुस्तालाई हस्तान्तरण गर्दै आएका छौं । गीतका शब्दहरु धेरै हदसम्म आफैमा एउटा कथा हो । जहाँ पात्र अनि परिवेषले केहि कुरा अभिव्यक्त गर्न खोजिरहेको हुन्छ । के वृद्ध के बालक चाहे जुनसुकै भाषामा होस् मानिसले सङ्गीतको मर्म बुझ्छ नै । गीत र सङ्गीत भनेको बहूआयामिक कुरा हो । गीत समाजमा भएका कुराहरु र मनमा उब्जने विभिन्न भावहरु प्रकट गर्ने माध्यम पनि हो । चाहे राममायण होस् वा महाभारत यी सबै पौराणिक ग्रन्थहरु छन्दमा नै लेकिएका छन । एउटा पुस्तामा रचना भएर पुस्तौ पुस्तासम्म जीवित रहने कुरा नै गीत सङ्गीत अनि कथा हो । आज लाइभमान्डुमा गीतीकथाकार अंकित बाबु अधिकारि आउनु भएको छ । अंकितलाई सानो उमेर देखि नै गीत सङ्गीतको सोख थियो । त्यसैले उनले आफ्ना गीतहरुमा नयाँ नयाँ परीक्षण गरेकाछन र सफल पनि छन् ।
द भ्वाइस अफ नेपाल जस्तो रियालिटि सोमा उनि ब्याटल राउण्डसम्म पुगे पछाडी उनलाई सुन्ने धरै मान्छे बढेको अंकित बाबुको ठहर छ । उनलाई अहिले भ्वाइसबाट बाहिरिनु परेकोमा कुनै गुनासो भने छैन किनभने उनि आफ्नो गीतको माध्यमबाट आफ्नो कथाहरु सुनाउन र आफ्ना पात्रहरु अभिव्यक्त गर्न लागीपरेका छन । व्यवसायीक रुपमा उनि सोध अनुसन्धान गरेतापनि सङ्गीतप्रति अथक साधना जहिले पनि गरीरहेका छन् ।
उनका गीत, कथा र पात्रहरुको बेजोड प्रस्तुति रहेका भिडियोहरु युट्युबमा हेर्ने सकिन्छ ।
यो गीतको भिडियो नै अलि फरक किसिमको छ किन भने एउटा राम खोज्न हिडेको हनुमान देखाइएको छ । अहिले यो जमानामा दिमागको लागि खुराक छैन । ग्लामर मात्र देखाइने यस जमानामा अंकितका गीतहरुमा भिडीयोका कन्सेप्टहरु ग्लामर नभई पौराणिक चरित्रहरु देख्न पाइन्छ । हनुमानले राम खोज्न जाँदा हनुमानले देख्ने समाज र हनुमानलाइ देख्ने समाजको चित्र कस्तो हुन्छ भनेर देखाउन खोजिएको छ ।
गीत र कथाबिचको सम्बन्ध नियालेर केलाउनसक्ने खुबी भएका व्यक्ति हुन् अंकित बाबु अधिकारी । लाइभमाण्डुमा आउँदा पनि साधारण मानिसका हिसाबले आएका उनि केहि गीतहरु गाए । द भोइसमा नेपालको प्रथम महिला गायीका मेल्वा देवीको ७०- ८० बर्ष पहिले रेकर्ड भएको गीत गाएर पुराना कलाकारको सम्मान गरेका थिए ।
यी सबैकुरा नियाल्दा अंकित बाबु नेपाली साङ्गीतिक जगतमा केहि नयाँ कुरा पस्कन चाहेका छन । उनले गएका गीत पनि हामीले यहिं समावेस गरेका छौं । तपाईंपनि चलन चल्ती भन्दा बाहिरका गीतहरु सुन्न चाहनु हुन्छ भने अंकितका गीतहरु सुन्न सक्नु हुन्छ ।
उनको बारेमा अंग्रेजी लेख
