Lifestyle Portal
  •   १३ माघ २०७९, शुक्रबार

ढुङ्गा प्रहार गरी हत्या गरेको अभियोगमा सलमान खान र सानु अन्सारी पक्राउ

१२ कार्तिक २०७७, बुधबार १९:३५

लोकप्रिय

भक्तपुर, १२ कात्तिक । भक्तपुर नगरपालिका-१ स्थित दुवाल मेटल कारखानामा पित्तलको भाडा बनाउने काम गर्ने भारत उत्तर प्रदेश जयंतिपुर रोड अलि मस्जित मुरादावाद घर भएका ३५ वर्षीय शाहिव हुसैनको हत्या गरेको अभियोगमा २ जनालाई आइतबार प्रहरीले पक्राउ गरेको छ ।

पक्राउ पर्नेहरूमा भक्तपुर नगरपालिका-१ स्थित इन्द्रायणी धातु उद्योगमा काम गरी बस्ने भारत उत्तर प्रदेश मुरादाबाद कुन्दरकी घर भएका १९ वर्षीय सानु अन्सारी र भक्तपुरस्थित दुवाल मेटल कारखानामा काम गरी बस्ने भारत उत्तर प्रदेश मुरादाबाद मोहलपुर घर भएका २३ वर्षीय सलमान खान रहेका छन् ।

भक्तपुर नगरपालिका-२ इँटापाकोको प्लानिङस्थित नरकटघारी खोल्सामा आइतबार बिहान हुसैन मृत अवस्थामा फेला परेको घटनाको अनुसन्धान गर्ने क्रममा महानगरीय अपराध महाशाखा काठमाडौंबाट खटिएको प्रहरीले घटनामा संलग्न उनीहरूलाई पक्राउ गरेको हो ।

प्रारम्भिक अनुसन्धानको क्रममा शनिबार ३ जना सँगै बसेर मादक पदार्थ सेवन गरेको र कारखाना फर्कने क्रममा उक्त नरकट घारीमा पुगेपछि सानु अन्सारीको गर्लफ्रेन्डको विषयमा शाहिव हुसैनसँग भएको विवादमा अनुचित शब्दहरू बोलेको विषयमा झगडा हुँदा हुसैनलाई दुवै जनाले ढुङगा प्रहार गरी हत्या गरेको खुल्न आएको महानगरीय प्रहरी परिसर भक्तपुरले जनाएको छ ।

यस सम्बन्धमा थप अनुसन्धान भइरहेको उक्त परिसरले जनाएको छ ।

प्रतिक्रिया दिनुहोस !
सम्बन्धित खबरहरु

काठमाडौँ, १९ पुस :  काठमाडौँ महानगरपालिकाको पुरानो बसपार्कमा निर्माणाधीन काठमाडौँ भ्यूटावर अर्काे वर्ष सञ्चालनमा आउने भएको छ । जलेश्वर स्वच्छन्द

एजेन्सी न्युयोर्क, १९ पुस अमेरिकी अन्तरिक्ष निकाय नासाले भर्खरै नयाँ कक्ष सुरु गर्दा सूर्यको अनौठो र सुन्दर तस्बिर सेयर गरेको

एजेन्सी सेनेगल, १९ पुस सेनेगलका दुई विपक्षी सांसदलाई बजेटको बहसका क्रममा गर्भवती सांसदलाई  पेटमा लात हानेको अभियोगमा ६ महिनाको जेल

कैलालीको भजनीका करन विकका छोरा कक्षा ९ मा पढ्नुहुन्छ । उहाँका छोरा आजभोलि किताबभन्दा बढी समय मोबाइलमा भुल्न थालेपछि करनलाई