Lifestyle Portal
  •   ३१ श्रावण २०७९, मंगलवार

एटीएम फोडिरहेको अवस्थामा पक्राउ

१७ कार्तिक २०७७, सोमबार १९:५७

काठमाडौं । काठमाडौं महानगरपालिका-१४ कुलेश्वरस्थित माछापुच्छ्रे बैंकको एटीएम फोडिरहेको अवस्थामा काठमाडौं बानेश्वर बस्ने कैलाली टिकापुर घर भएका १८ वर्षीय किशोरलाई आइतबार राति प्रहरीले पक्राउ गरेको छ ।

महानगरीय प्रहरी वृत्त कालीमाटीबाट खटिएको प्रहरीले ती किशोरले उक्त एटीएम फोडदै गरेको अवस्थामा फेला पारी पक्राउ गरेको हो । नेपाली एटिएम मेशिन राखिएका स्थान तथा सुरक्षा मापदण्डमा बैंकद्वारा अपनाइएका असावधानीका कारण विगतमा नेपाली अपराधीहरु लगायत विदेशी अपराधीहरुको निशानमा एटिएम मेशिन पर्दै आएको छ ।

यस सम्बन्धमा प्रहरीले थप अनुसन्धान गरिरहेको छ ।

यस अघि नेपाल प्रहरीले एटिएम मेशीनमा छेडछाड तथा पीन नम्बर ह्याक गरी रकम निकाल्ने विदेशी नागरिकविरुद्ध गरिएको कारबाहीमा चार रोमानियन, चार टर्किस, चार बुल्गेरियन, चार मोल्दोभियन र दुई भारतीय गरी जम्मा १८ जना विदेशी नागरिक पक्राउ परेका थिए ।

यस बाहेक गत वर्ष नेपाली एटिएममार्फत पैसा चोरी गर्ने चिनियाँ अपराधीहरुविरुद्ध सबैभन्दा ठूलो अप्रेशन सफल भएको थियो । दरवारमार्गस्थित नविल बैंकको एटिएमबाट एकैजना ब्यक्तिले फरक-फरक भिसाकार्ड प्रयोग गरी नगद निकाल्दै गरेको दृश्य देखेर बैंकका एक आइटी कर्मचारीको सतर्कताका कारण उक्त अप्रेशन सफल भएको थियो ।

उक्त घटनामा दरवारमार्गस्थित नविल बैंकको एटिएममा अपरिचित ब्यक्तिको शंकास्पद गतिविधि सिसिटिभी क्यामेराबाट नियाली रहेका बैंकका कर्मचारी प्रहरी सहित एटिमबुथ पुग्दा एक चिनियाँ नागरिक २० वटा भिषाकार्ड प्रयोग गरी लगातार नगद झिक्दै झोलामा राख्दै गरिरहेको अवस्थामा पक्राउ परेपछि एटिएमको पिन नम्बर ह्याक गरि बैंक लुट्ने थप ४ जना चिनियाँ नागरिक पनि पक्राउ परेका थिए ।

प्रतिक्रिया दिनुहोस !
सम्बन्धित खबरहरु

भारतीय राजदूतावास, काठमाडौंले यही श्रावण ३० गते भारतको ७६ औं स्वतन्त्रता दिवस मनायो । यो कार्यक्रम भारत स्वतन्त्रताको ७५ वर्षको

राष्ट्रपतिले नागरिकता विधेयक संसद्‌मा फिर्ता पठाउनुभएको छ । नागरिकता विधेयक फिर्ता पठाएपछि अब नागरिकता विधेयक को योजना कस्तो हुन्छ र

काठमाडौं । राष्ट्रिय सभाका अध्यक्ष सम्मननीय गणेश प्रसाद तिमल्सिनाले देशको राजनीतिमा युवाको हस्तक्षेपकारी भुमिका भएमात्र परिवर्तन सम्भव हुने बताउनुभएको छ

पर्वको बहानामा अराजकता फैलाएको भन्दै ‘विश्व हिन्दू परिषद् नेपाल’द्वारा जिल्ला प्रशासन कार्यालय पर्साका प्रमुख जिल्ला अधिकारीलाई ध्यानाकर्षण गराएको छ ।