भारतद्वारा नेपाल सरकारलाई २८ वटा आइसियु भेन्टिलेटर सहयोग

कोभिड-१९ महामारी विरुद्धको लडाईमा नेपाल सरकारलाई थप सहयोग स्वरुप भारत सरकारको तर्फबाट नेपालका लागि भारतीय राजदूत विनय मोहन क्वात्राले नेपालका स्वास्थ्य तथा जनसंख्या मन्त्री भानुभक्त ढकाललाई २८ वटा आइसियु भेन्टिलेटर उपहार स्वरुप प्रदान गर्नुभएको छ ।

यस अघि भारतले नेपाललाई बैशाख १० गते पारासिटामोल, हाइड्रोक्लोरोक्वीन लगायतका अत्यावश्यक सामाग्री, जेठ ४ गते कोभिड-१९ परिक्षण कीट (आरडिटि-पिसिआर), श्रवाण २५ गते आइसीयु भेन्टटिलेटर तथा भाद्र ३० गते रेमडेसिभर औषधी प्रदान गरिसकेको छ ।

@AmbVMKwatra, on behalf of Govt of India, handed over 28 ICU ventilators to Nepal’s Minister for Health and Population @dhbhanu on 8th Nov 2020. It is part of ongoing COVID-related assistance to Nepal. @MEAIndia @PMO. Details may be seen at: https://t.co/04dfJzI5O7 pic.twitter.com/qtlw59uaXS

— IndiaInNepal (@IndiaInNepal) November 8, 2020

हस्तान्तरण समारोहमा बोल्दै राजदूत क्वात्राले कोभिड-१९ महामारी विरुद्धको लडाईमा सफलता हासिल गर्न नेपाल सरकार तथा नेपाली जनतासँग भारतको अटूट साथ रहेको कुरा दोहोर्र्याउनुभयो । साथै, उहाँले यस किसिमका आवश्यक सहयोग गर्न भारत सधैं प्रतिबद्ध रहेको कुरामा जोड दिनुभएको थियो ।