ट्वीटरले अमेरिकी राष्ट्रपतिको आधिकारिक ‘ह्याण्डल’ बाइडेनलाई कार्यकालको प्रथम दिन हस्तान्तरण गर्ने


अमेरिका । अमेरिकी राष्ट्रपतिले आफ्नो आधिकारिक ट्वीट गर्नका लागि आधिकारिक ट्वीटर ह्याण्डल प्रयोग गर्ने चलन छ, यस अकाउण्ट राष्ट्रपतिलाई दिने चलन अनुरुप डोनल्ड ट्रम्पले प्रयोग गर्दाका सबै क्रेडेन्सियलहरु फेरेर उक्त ‘ह्याण्डल’ ट्वीटरले बाइडेनलाई दिने भएको हो ।

सन् २०२१ को जनवरी २० मा हुने बाइडेनको ह्वाइट हाउस प्रवेशलाई ट्वीटरले आफ्नो ह्याण्डल दिएर स्वागत गर्ने भएको हो । शुक्रबारका दिन अमेरिकी मिडियाहरुले यस तथ्यका साथै अझैसम्म पनि चुनावी नतिजाको स्वीरोक्तीका सम्बन्धमा ट्रम्पले केहि नभनिसकेको बताएका छन् ।

यस अकाउण्टलाई पोटुस अकाउण्ट भनिन्छ, जुन राष्ट्रपतिको आधिकारीक ट्वीटर ह्याण्डलको यूजर यूआरएल (User URL) मैं पनि उल्लेख गरिएको हुन्छ (https://twitter.com/potus) । ट्रम्पले यस आधिकारिक अकाउण्ट या ह्याण्डललाई प्राथमिकता नदिएर व्यक्तिगत अकाउण्टको ट्वीटलाई यसबाट रिट्वीट गर्न मात्र प्रयोग गरेको आरोप पहिल्यै देखि खेपिआएका थिए ।

चुनावी प्रचार-प्रसार दौरान नै ट्वीटरले ट्रम्पका केहि ट्वीटहरु अवास्तविक, भ्रामक तथा झुठो भन्दै हटाएको थियो ।


Loading comments...