काठमाडौं ।  राजसंस्थाको माग गर्दै काठमाडौंमा प्रदर्शन भएको छ ।

राजतन्त्र पुनस्र्थापना, भ्रष्टाचारीलाई कारबाहीको मागसहित राष्ट्रिय शक्ति नेपाल उपत्यका समन्वय समितिले सोमबार माइतीघरमा प्रदर्शन गरेको हो । समितीले नेपालको राष्ट्रिय झण्डा बोकेर काठमाण्डुका विभिन्न स्थानबाट जुलुस निकालेर अहिले माइतीघरमा प्रदर्शन गरिरहेको छ ।

प्रदर्शन हुने भएपछि बबरमहल, सिंहदरबार, थापाथलीसहितका विभिन्न चोकमा सयौं प्रहरी तैनाथ गरिएको छ । यसअघि पोखरा, धनगढी, मकवानपुर, बुटबललगायतका क्षेत्रमा राजतन्त्रको पक्षमा प्रदर्शन गरिएको थियो ।