भ्वाइसको फाइनलका लागी यसरी सजिदै छ कतारको एम फि थियटर

उत्कृष्ट स्वरहरुको कार्यक्रम द भ्वाइस अफ नेपाल अन्तिम चरणमा पुगिसकेको छ । द भ्वाइस अफ नेपालले गाउ गाउबाट उत्कृस्ट गायन क्षमता भएका मानिसहरु बटा   टप ४ ट्यालेन्टहरु छनोट गरि सकेको छ  । हाल सम्म ३१ बटा श्रृंखलाहरु मार्फत आफ्नो कार्यक्रम द भ्वाइस अफ नेपालको अन्तिम तथा ३२ औँ श्रृंखला कतारको दोहाको एम फि थियटरमा हुने भएको छ । जस्को प्रत्यक्ष प्रसारण नेपाली समय अनुसार राती १० बजे कान्तिपुर टि.भी., डिस होमको रमाइलो एच डी तथा द भ्वाइस अफ नेपालको युट्युव च्यानल मार्फत हेर्न सकिने छ । डिसेम्बर १४ मा हुने उक्त कार्यक्रममा पहिलो द भ्वाइस अफ नेपाल छनोट हुनेछन । बहुचर्चित नेपाली हाँस्य कलाकार ध्रुमुस सुन्तलीको बेजोड प्रस्तुती रहने उक्त कार्यक्रमको लागि टिकट बुकिङ्ग खुला गरिसकिएको आयोजकले जनाएको छ ।

नेपालको पहिलो द भ्वाइस छनोट गर्ने सम्पुर्ण जिम्मा दर्शकलाइ सुम्पिएको छ । त्यसैले आफ्नो मन पर्ने ट्यालेन्टलाइ जिताउनका लागि भोट गर्न सक्नुहुने छ जस्का लागि तपाइँले प्ले स्टोर तथा एप स्टोरबाट द भ्वाइस अफ नेपालको एप डाउन्लोड गरी उत्कृष्ट तथा प्रिय ट्यालेन्टलाइ छनोट गर्न सक्नुहुनेछ ।

द भ्वाइस अफ नेपालले  कतारको दोहाको एम फि थियटरमा लाइभ कार्यक्रम देखाउनको लागी भ्वाइसको टिम नै कतार पुगेका छन ।द भ्वाइस अफ नेपालको अन्तिम तथा ३२ औँ श्रृंखलाको लागी तयार हुदै गरेको दोहाको एम फि थियटरको केहि तस्विर यस्तो छ ।