काठमाडौं । राष्ट्रिय धरोहर संरक्षण प्रतिष्ठान नेपालले आज एक कार्यक्रम गर्दै झन्डा दिवस मनाएको छ । हाम्रो सान हाम्रो स्वाभिमान राष्ट्रिय झन्डा हाम्रो पहिचान भन्ने मूल नाराका साथ माइतीघर मण्डलामा र्‍यालीसहित बृहत्‌ झन्डा दिवस मनाएको हो ।

विगत २०७५ सालदेखि मनाउँदै आएको राष्ट्रिय झन्डा दिवस आज पनि रौनकतापूर्ण रुपमा मनाएको राष्ट्रिय धरोहर संरक्षण प्रतिष्ठान नेपालका संस्थापक अध्यक्ष राजानन्द माण्डव्यले जानकारी दिए । उनले भने नेपालको राष्ट्रिय झन्डालाई विश्वसामु परिचित गराउन सधैंजसो आज पनि रौनकताका साथ मनाएका छौँ । उक्त कार्यक्रममा विभिन्न संघसंस्थाका प्रतिनिधीहरु उपस्थित रहेका थिए ।