ओली पक्षले बोलाएको केन्द्रीय समिति बैठक शुरु


काठमाडौं । प्रधानमन्त्री तथा नेकपा अध्यक्ष केपी शर्मा ओली समूहको बैठक बालुवाटारमा शुरु भएको छ । ओलीको अध्यक्षतामा बैठक आरम्भ भएको हो ।

मंगलवार (आज) बिहान ९ बजेका लागि बोलाइएको बैठक झण्डै २ घण्टा ढिला गरी भर्खरै शुरु भएको हो ।

यसैबीच ओलीले बोलाएको बैठकमा पूर्वमाओवादी निकट टोपबहादुर रायमाझी बालुवाटार पुगेका छन् । यस्तै मणि थापालगायत पनि बालुवाटार गएको बताइएको छ ।

उनीहरु नेकपाका कार्यकारी अध्यक्ष पुष्पकमल दाहाल प्रचण्ड समूह छाडेर ओलीतिर लागेका हुन् ।

ओलीले हठात संसद विघटन गरेपश्चात असन्तुष्ट बनेका प्रचण्ड समूहले दिउँसो १ बजेका लागि केन्द्रीय कमिटी बैठक आह्वान गरेका छन् ।

त्यस्तै संसद विघटनको विरुद्ध रणनीति तयार गर्न नेकपासहित कांग्रेस र जसपाको समेत केन्द्रीय कमिटी बैठक बस्दैछ ।


Loading comments...