काठमाडौं। प्रमुख विपक्षी नेपाली कांग्रेसको आज बसेको केन्द्रिय पदाधिकारीको बैठकले प्रतिनिधिसभा विघटन असंवैधानिक ठहर गर्दै राजनीतिक रूपमा देशब्यापी विरोध प्रदर्शन गर्ने जानकारी दिएको छ ।

आज बुधबार पार्टी कार्यालय सानेपामा बसेको बैठकले लोकतन्त्र र संविधानको विरुद्ध गरेको गतिविधिलाई लिएर देश भर प्रदर्शन गर्ने बुझिएको छ । आज बसेको पदाधिकारी बैठकको बारेमा बोल्दै प्रवक्ता विश्व प्रकाश शर्माले भने, प्रधानमन्त्रीओलीले चालेको कदम असंवैधानिक र अलोकतान्त्रिक कदमको विरोध गरिसकेको र यस विषयमा थप योजना बनाउन आजको बैठक बसेको हो । प्रदर्शन कहिले र कहाँबाट सुरु गर्ने भन्ने बारेमा भोली बस्ने बैठकमा निणर्य हुने बताइएको छ ।