संखुवासभामा प्रहरी विप्लव कार्यकर्ताबीच दोहोरो फायरिङ
१२ पुष २०७७, आईतवार २१:५२
काठमाडौं । संखुवासभाको चैनपुर ४ मैदानेमा नेत्रविक्रम चन्द( विप्लव) समूहका कर्यकर्ता र नेपाल प्रहरीबीच गोली हानाहान भएको छ ।
जिल्ला प्रहरी कार्यालय, संखुवासभाबाट नियमित गस्तीमा खटिएको टोली चैनपुर–४, मैदानेमा पुगेपछि प्रहरीलाई लक्षित गरेर गोली प्रहार भएको थियो । प्रहरीले त्यसको जवाफी फायरिङ गरेको जिल्ला प्रहरी कार्यालय संखुवासभाका प्रहरी नायब उपरीक्षक नवराज मल्लले बताए।
उनका अनुसार गोली प्रहार गर्ने विप्लव समूहका कार्यकर्ताले ४/५ राउण्ड फायरिङ गरेका थिए भने प्रहरीले दर्जन बढी जवाफी गोली चलाएको हो ।
