Lifestyle Portal
  •   ३१ श्रावण २०७९, मंगलवार

यमन सरकार सखाप पार्ने प्रयास: नयाँ सरकारका मन्त्रीहरु सवार विमान नजिकै ठूलो बिष्फोट, २२ जनाको मृत्यु

१६ पुष २०७७, बिहीबार ०७:४८

अरब देश यमनको ‘अदन विमानस्थल’मा बुधवार ठूलो बिष्फोट भएको छ । बिष्फोट यमनको नयाँ क्याबिनेटका मन्त्रीहरु सवार विमान अवतरण भए लगत्तै भएको थियो । त्यस क्रममा ब्यापक फायरिङको पनि आवाज आएको थियो । विमानमा यमनका प्रधानमन्त्री मीन अब्दुल मलिक सइद आफ्नो कैबिनेट टोलीका साथ थिए ।

बिष्फोटमा परेर अहिलेसम्म २२ जनाको मृत्यु भएको खबर छ । रिपोर्टका अनुसार, विमानमा सवार कुनै पनि मन्त्रीहरु हताहत भएका छैनन, सबैजना सुरक्षित छन् । विमानमा कतिजना मन्त्रीहरु थिए भन्ने जानकारी भने सार्वजनिक भइसकेको छैन ।

साऊदी मेडियाका अनुसार, प्रधानमन्त्री समेत विमानमा सवार सबै मन्त्रीहरुलाई सुरक्षित राष्ट्रपति भवन पुर्र्याई सकिएको छ । यमनका सूचना मन्त्री मोमार अल इरयानीले हमलाको पछाडी हूथी विद्रोहिहरुको संलग्नता हुनसक्ने आशंका जनाएका छन् ।

विमानस्थलका सुरक्षा अधिकारीहरुका अनुसार बिष्फोटपछि उनीहरुले विमानस्थलमा कैंयन शवहरु यत्रतत्र देखेका छन् । घटना पश्चात सामाजिक सञ्जालमा साझा गरिएका तस्वीरहरुमा विमानस्थलको संरचना नजिक भग्नावशेष सहितका फुटेका शिसाहरु रहेका छन् ।

विद्रोहिहरुसँग समझौता पश्चात देश फर्किएका थिए मन्त्रीहरु
यमन धेरै समयदेखि गृहयुद्धको चपेटामा छ । एक सम्झौता अनुसार यमनको प्रधानमन्त्री सइदका साथ सरकारका कैंयन मन्त्रीहरु अदन फर्किएका थिए । यो सम्झौता गत हप्ता मात्रै प्रतिद्वन्द्वी गुटका साथ गरिएको थियो । मलिकको नेतृत्वमा रहेको सरकारलाई अन्तरराष्ट्रीय स्तरमा मान्यता प्राप्त छ । वर्षौदेखि चल्दै आएको गृहयुद्धको क्रममा उनले अधिकांश समय निर्वासित जीवन बिताउदै आएका छन् । यो सरकार साऊदी अरबको राजधानी रियादबाटै आवश्यक सबै रणनीतिक काम गर्दै आएका थिए ।

प्रतिक्रिया दिनुहोस !
सम्बन्धित खबरहरु

भारतीय राजदूतावास, काठमाडौंले यही श्रावण ३० गते भारतको ७६ औं स्वतन्त्रता दिवस मनायो । यो कार्यक्रम भारत स्वतन्त्रताको ७५ वर्षको

राष्ट्रपतिले नागरिकता विधेयक संसद्‌मा फिर्ता पठाउनुभएको छ । नागरिकता विधेयक फिर्ता पठाएपछि अब नागरिकता विधेयक को योजना कस्तो हुन्छ र

काठमाडौं । राष्ट्रिय सभाका अध्यक्ष सम्मननीय गणेश प्रसाद तिमल्सिनाले देशको राजनीतिमा युवाको हस्तक्षेपकारी भुमिका भएमात्र परिवर्तन सम्भव हुने बताउनुभएको छ

पर्वको बहानामा अराजकता फैलाएको भन्दै ‘विश्व हिन्दू परिषद् नेपाल’द्वारा जिल्ला प्रशासन कार्यालय पर्साका प्रमुख जिल्ला अधिकारीलाई ध्यानाकर्षण गराएको छ ।